న్యూఢిల్లీ : సోషల్ మీడియాలో చురుకుగా ఉండే కార్పొరేట్ దిగ్గజం ఆనంద్ మహీంద్ర తరచూ ఆలోచన రేకెత్తించే వీడియోలు, పోస్ట్లను ఆన్లైన్లో షేర్ చేస్తుంటారు. మండే మోటివేషన్లో భాగంగా ఆనంద్ మహీంద్ర లేటెస్ట్గా ఓ ఇన్స్పిరేషనల్ వీడియోను పోస్ట్ చేశారు.
Be a lighthouse. Let the waves keep buffeting you, trying to knock you down. But if you stand tall and believe in yourself your light will keep shining… #MondayMotivation pic.twitter.com/3za8Ws3sYV
— anand mahindra (@anandmahindra) February 20, 2023
ఎన్ని ఒడిదుడుకులు ఎదురైనా సముద్ర అలల తాకిడికి లోనై కూడా నిబ్బరంగా నిలిచే లైట్హౌస్లా మీరు నిటారుగా నిలబడాలని అంటూ పారిశ్రామిక దిగ్గజం ఈ వీడియోను షేర్ చేశారు. ఈ వీడియోలో లైట్హౌస్ గోడలను దూసుకొచ్చే అలలు నిరంతరం ముంచెత్తుతుండటం కనిపిస్తుంది. మనకు ఎదురయ్యే కష్టాలు, సవాళ్లను ఎదుర్కొంటూ మనం కూడా లైట్హౌస్లానే నిలువెత్తున నిబ్బరంగా నిల్చోవాలని ఆయన రాసుకొచ్చారు.
అలలు మిమ్మల్నిముంచెత్తినా లైట్హైస్లా మీపై మీరు నమ్మకంగా నిలవాలని వీడియోకు క్యాప్షన్ ఇచ్చారు. ఆనంద్ మహీంద్ర పోస్ట్ నెటిజన్లలో స్ఫూర్తి నింపింది. ఈ క్వాలిటీతో మీరు అర్ధవంతమైన జీవితాన్ని గడిపితే మీరు సమస్యలను తట్టుకునేలా రాటుతేలడమే కాకుండా ఎలాంటి అవాంఛనీయ పరిస్ధితి సైతం మీ నమ్మకాన్ని వమ్ము చేయలేదని ఓ యూజర్ రాసుకొచ్చారు.