ఆనంద్ మ‌హింద్ర మండే మోటివేష‌న్ పోస్ట్ : మేనేజ‌ర్ల‌కే పాఠాలు చెప్పేలా..!

స్ఫూర్తిదాయక పోస్టుల‌తో నెటిజ‌న్ల‌లో ఆలోచ‌న రేకెత్తించే పారిశ్రామిక దిగ్గ‌జం ఆనంద్ మ‌హింద్ర స‌రికొత్త వీడియోను సోష‌ల్ మీడియాలో షేర్ చేశారు. మండే మోటివేష‌న్ సిరీస్‌లో భాగంగా నోరు తెరిచిన మ్యాన్‌హోల్‌ను ఓ వ్య‌క్తి కాంక్రీట్‌తో క‌ప్పేసిన వీడియో క్లిప్‌న

న్యూఢిల్లీ : స్ఫూర్తిదాయక పోస్టుల‌తో నెటిజ‌న్ల‌లో ఆలోచ‌న రేకెత్తించే పారిశ్రామిక దిగ్గ‌జం ఆనంద్ మ‌హింద్ర స‌రికొత్త వీడియోను సోష‌ల్ మీడియాలో షేర్ చేశారు. మండే మోటివేష‌న్ సిరీస్‌లో భాగంగా నోరు తెరిచిన మ్యాన్‌హోల్‌ను ఓ వ్య‌క్తి కాంక్రీట్‌తో క‌ప్పేసిన వీడియో క్లిప్‌ను ఆనంద్ మ‌హింద్ర రీట్వీట్ చేశారు. హౌ థింగ్స్ వ‌ర్క్ అనే పేజ్ ఈ వీడియోను తొలుత పోస్ట్ చేసింది.

Successful results come from unrelenting attention to quality in the smallest details of your work. This man doesn’t need to read any management bibles on the pursuit of excellence. He could teach a course on that himself… #MondayMotivation https://t.co/pEoNVSc0ZK

— anand mahindra (@anandmahindra) January 30, 2023

ఈ వీడియోలో ఓ వ్య‌క్తి ఓ మ్యాన్‌హోల్‌ను కాంక్రీట్ వ‌ర్క్‌తో మూసివేయ‌డం క‌నిపిస్తుంది. ఎంతో అంకిత‌భావంతో వృత్తిప‌రంగా చేయాల్సిన ప‌ద్ధ‌తుల‌ను ఫాలో అవుతూ కాంక్రీట్ వ‌ర్క్‌ను అత‌డు చేప‌ట్టిన తీరుకు నెటిజ‌న్లు ఫిదా అయ్యారు. వ్య‌క్తి డెడికేష‌న్‌కు ఆనంద్ మ‌హింద్ర సైతం ఇంప్రెస్ అయ్యారు. మీరు చేస్తున్న ప‌నిలో అత్యంత చిన్న విష‌యాల‌పైనా మ‌న‌సు పెట్టి ఏకాగ్ర‌త‌తో ప‌నిచేస్తే విజ‌య‌వంత‌మైన ఫ‌లితాలు అందివ‌స్తాయి.

ఈ వ్య‌క్తి నైపుణ్యం కోసం ఎలాంటి మేనేజ్‌మెంట్ బైబిల్స్ చ‌ద‌వాల్సిన ప‌నిలేదు..ఆ స‌బ్జెక్ట్‌పై ఇత‌నే కోర్సు బోధిస్తాడ‌ని ఈ పోస్ట్‌కు క్యాప్ష‌న్ ఇచ్చారు. ఈ వైర‌ల్ క్లిప్‌ను ఆన్‌లైన్‌లో షేర్ చేసిన‌ప్ప‌టి నుంచి 20 ల‌క్ష‌ల మందికి పైగా వీక్షించారు. చిన్న విష‌యాల‌పైనే అత‌డి ఫోక‌స్ అద్భుతం..ఇది మాస్ట‌ర్ క్రాఫ్ట్స్‌మ‌న్‌షిప్ అని ఓ యూజ‌ర్ కామెంట్ చేయ‌గా, అస‌లు అక్క‌డ నిర్మాణం జ‌రిగింద‌నే ఆన‌వాళ్లు కూడా లేవు..ఎలాంటి వ్య‌ర్ధాలు, డ‌స్ట్ క‌నిపించ‌లేదు..ఎంత ప‌ర్ఫెక్ట్‌గా ప‌ని ముగించాడ‌ని మ‌రో యూజ‌ర్ రాసుకొచ్చారు.