Car, Bus Catches Fire | ట్రావెల్స్‌ బస్సును ఢీకొట్టిన కారు.. చెలరేగిన మంటలు, 9 మంది మృతి

Car, Bus Catches Fire | అదుపుతప్పిన కారు, ట్రావెల్స్‌ బస్సును ఢీకొట్టింది. దీంతో మంటలు చెలరేగడంతో ఆ రెండు వాహనాలు కాలిపోయాయి. కారులో ప్రయాణించిన ఒకే కుటుంబానికి చెందిన 9 మంది మరణించారు. మృతుల్లో నలుగురు పిల్లలున్నారు.

బెంగళూరు: అదుపుతప్పిన కారు, ట్రావెల్స్‌ బస్సును ఢీకొట్టింది. దీంతో మంటలు చెలరేగడంతో ఆ రెండు వాహనాలు కాలిపోయాయి. కారులో ప్రయాణించిన ఒకే కుటుంబానికి చెందిన 9 మంది మరణించారు. మృతుల్లో నలుగురు పిల్లలున్నారు. కర్ణాటకలోని యాద్గిర్ జిల్లాలో ఈ సంఘటన జరిగింది. శుక్రవారం మధ్యాహ్నం సురపూర్ తాలూకాలోని శాంతాపూర్ క్రాస్ సమీపంలో ఘోర రోడ్డు ప్రమాదం జరిగింది. ఒక కుటుంబం ప్రయాణిస్తున్న కారు టైర్‌ పేలిపోయింది. అదుపుతప్పిన ఆ కారు ఎదురుగా వస్తున్న ప్రైవేట్‌ ట్రావెల్‌ బస్సును ఢీకొట్టింది. ఆ వెంటనే మంటలు చెలరేగాయి. కారు, ట్రావెల్స్ బస్సు పూర్తిగా దగ్ధమయ్యాయి.

కాగా, కారులో ప్రయాణించిన ఒకే కుటుంబానికి చెందిన పది మందిలో 9 మంది మరణించారు. కారులో చిక్కుకున్న ఇద్దరు పిల్లలతో సహా నలుగురు సజీవదహనమయ్యారు. మృతులను కృష్ణ నాయక్ (52), ఆయన భార్య అనంత కళ (45), శరణప్ప (36), ఆయన భార్య నిసర్గ (30), వారి పిల్లలు సిద్ధార్థ (3), అద్విక్ (5), శ్రీనిధి (1.5), శశికళ (30), ఆమె కుమారుడు చందన్ (8)గా గుర్తించినట్లు పోలీసులు తెలిపారు. శశికళ మరో కుమారుడైన విరాట్ (10) ఒక్కడే ప్రాణాలతో బయటపడినట్లు చెప్పారు. గాయపడిన ఆ బాలుడ్ని ఆసుపత్రికి తరలించి చికిత్స అందిస్తున్నారు.

మరోవైపు కారులో ప్రయాణించిన వారు రాయచూర్ జిల్లాలోని సిర్వార్ తాలూకాకు చెందినవారని పోలీస్‌ అధికారి తెలిపారు. యాద్గిర్ నుంచి రాయచూర్‌లోని వారి స్వగ్రామానికి కారులో వెళ్తుండగా ఈ ప్రమాదం జరిగినట్లు చెప్పారు.

అయితే ప్రైవేట్‌ ట్రావెల్స్‌ బస్సు బెంగళూరు నుంచి కలబురగికి ప్రయాణిస్తున్నది పోలీస్‌ అధికారి తెలిపారు. ఆ బస్సులోని 20 మంది ప్రయాణికులు క్షేమంగా ఉన్నారని, వారిని సకాలంలో రక్షించినట్లు చెప్పారు. ఈ ప్రమాదంపై దర్యాప్తు చేస్తున్నట్లు వెల్లడించారు. కాగా, కారు, బస్సు మంటల్లో కాలిపోయిన వీడియో క్లిప్స్‌ సోషల్‌ మీడియాలో వైరల్‌ అయ్యాయి.

In a horrific road accident, six people were killed after a car collided head-on with a private bus and caught fire in Karnataka’s Yadgir district. The incident occurred in Devapur village of Surpur taluk.

According to initial reports, the car was travelling from Yadgir to… pic.twitter.com/3nkdkMqSyI

— Hate Detector 🔍 (@HateDetectors) April 17, 2026

Also Read:

Riddle of 16 | లోక్‌సభలో ‘16’ సంఖ్యను ప్రస్తావించిన రాహుల్‌ గాంధీ.. దాని చిక్కుముడి ఏమిటంటే?

Watch: థార్‌తో ఐదుగురిని ఢీకొట్టిన ఎమ్మెల్యే కొడుకు.. హారన్‌ మోగిస్తున్నా ఎందుకు తప్పుకోలేదంటూ వాదన

Caterer Throws Boy Into Fire | పెళ్లిలో పదే పదే రసగుల్లాలు తీసుకున్న బాలుడు.. తందూర్‌ మంటలోకి విసిరేసిన క్యాటరర్‌