577 మంది చిన్నారులు అనాథ‌ల‌య్యారు..

న్యూఢిల్లీ: దేశ‌వ్యాప్తంగా కోవిడ్ వ‌ల్ల త‌ల్లితండ్రులు చ‌నిపోవ‌డంతో సుమారు 577 మంది చిన్నారులు అనాథ‌లుగా మారిన‌ట్లు కేంద్ర మంత్రి స్మృతి ఇరానీ తెలిపారు. ఏప్రిల్ ఒక‌టో తేదీ నుంచి మంగ‌ళ‌వారం వ‌ర‌కు ఈ నివేదిక ఉన్న‌ట్లు ఆమె వెల్ల‌డించారు. కోవిడ్ వ‌ల్ల ప్రాణాలు కోల్పోయిన పిల్ల‌ల‌ను కేంద్ర ప్ర‌భుత్వం ఆదుకుంటుంద‌న్నారు. రాష్ట్ర ప్ర‌భుత్వాలు, యూటీలు ఇచ్చిన స‌మాచారం మేర‌కు 577 మంది చిన్నారులు అనాథ‌లైన‌ట్లు ఆమె చెప్పారు. జిల్లా అధికారులు ఆ పిల్ల‌ల సంర‌క్ష‌ణ చూసుకుంటార‌ని ఆమె తెలిపారు. త‌ల్లితండ్రుల‌ను కోల్పోయిన పిల్ల‌ల‌కు సైకలాజిక‌ల్ కౌన్సిలింగ్ ఇచ్చేందుకు నిమ‌హ‌న్స్ రెడీగా ఉంద‌న్నారు. ఇలాంటి చిన్నారుల‌ను చూసుకునేందుకు ప్ర‌భుత్వం వ‌ద్ద ఎటువంటి నిధుల కొర‌త లేద‌న్నారు.