గుప్త నిధుల తవ్వకాలు.. పరారీలోని ముగ్గురిలో ఇద్ద‌రి అరెస్ట్‌

నిజాం కాలం నాటి మసీదు వద్ద గుప్త నిధుల కోసం రాత్రివేళ తవ్వకాలు చేపట్టిన వారిలో 12 మందిని పోలీసులు అరెస్టు చేసి రిమాండ్‌కు తరలించారు. మరో వ్యక్తి పరారీలో ఉన్నాడు. ఈ ఘటన పెన్‌ప‌హాడ్‌ మండలంలోని అనాజీపురం రెవెన్యూ పరిధి రాజాపేటలో చోటుచేసుకుంది.

పెన్‌ప‌హాడ్‌, సెప్టెంబర్ 21 : నిజాం కాలం నాటి మసీదు వద్ద గుప్త నిధుల కోసం రాత్రివేళ తవ్వకాలు చేపట్టిన వారిలో 12 మందిని పోలీసులు అరెస్టు చేసి రిమాండ్‌కు తరలించారు. మరో వ్యక్తి పరారీలో ఉన్నాడు. ఈ ఘటన పెన్‌ప‌హాడ్‌ మండలంలోని అనాజీపురం రెవెన్యూ పరిధి రాజాపేటలో చోటుచేసుకుంది. సూర్యాపేట సర్కిల్ కార్యాలయంలో పెన్‌ప‌హాడ్ ఎస్ఐ బాలునాయక్‌తో కలిసి ఏర్పాటు చేసిన విలేకరుల సమావేశంలో సీఐ రాజశేఖర్ కేసు వివరాలను వెల్లడించారు. సెప్టెంబర్ 16న రాత్రి రాజాపేటలోని పురాతన మసీదు భవనం, పరిసరాల్లో కొందరు వ్యక్తులు గుప్త నిధుల కోసం తవ్వకాలు చేస్తున్నట్లు గ్రామస్థులు గుర్తించి పోలీసులకు సమాచారం అందించారు. పోలీసులు అక్కడికి చేరుకుని 13 మందిలో 10 మందిని అదుపులోకి తీసుకున్న విషయం విదతమే. కాగా పరారైన ముగ్గురిలో ఇద్దరిని అనంతరం పట్టుకున్నారు. కాసారబాదకు చెందిన కొమరాజు నరసింహ ప్రస్తుతం పరారీలో ఉన్నట్లు తెలిపారు. దొంగరి మధన్, షేక్ సైదా, సయ్యద్ అమీర్ అలీ, షేక్ రహమాన్ రఫీ, షేక్ అహమ్మద్, షేక్ మహ్మద్ రఫీ, మైనుద్దీన్, మహ్మద్ సుల్తానా మియా, మహ్మద్ యాసిన్, మీనయ్య, సయ్యద్ అక్బర్, రూపాని వెంకన్న ఉండగా పోలీసులు అరెస్ట్ చేసి రిమాండ్‌కు త‌ర‌లించారు.