అర్వ‌ప‌ల్లి పీహెచ్‌సీలో సీనియర్ సిటిజన్లకు ప్రత్యేక వైద్య శిబిరం

అంతర్జాతీయ వయో వృద్ధుల దినోత్సవం సందర్భంగా అర్వపల్లి ప్రాథమిక ఆరోగ్య కేంద్రంలో శుక్రవారం వయో వృద్ధులు, సీనియర్ సిటిజన్లకు ప్రత్యేక వైద్య శిబిరం నిర్వహించారు. ఈ శిబిరంలో వయో వృద్ధులకు వైద్య పరీక్షలు, ఆరోగ్య స్క్రీనింగ్, వైద్యుల సంప్రదింపులు...

అర్వపల్లి, సెప్టెంబర్ 25 : అంతర్జాతీయ వయో వృద్ధుల దినోత్సవం సందర్భంగా అర్వపల్లి ప్రాథమిక ఆరోగ్య కేంద్రంలో శుక్రవారం వయో వృద్ధులు, సీనియర్ సిటిజన్లకు ప్రత్యేక వైద్య శిబిరం నిర్వహించారు. ఈ శిబిరంలో వయో వృద్ధులకు వైద్య పరీక్షలు, ఆరోగ్య స్క్రీనింగ్, వైద్యుల సంప్రదింపులు అలాగే అవసరమైన మందులు అందజేశారు. ఆరోగ్యకరమైన వృద్ధాప్యం, పోషకాహారం, క్రమం తప్పకుండా ఆరోగ్య పరీక్షలు చేయించుకోవడం, అసాంక్రమిక వ్యాధుల (NCDs) నివారణ, నియంత్రణపై అవగాహన కల్పించారు. ఈ కార్యక్రమంలో మెడికల్ ఆఫీసర్ డా.నగేష్ నాయక్, సీహెచ్ఓ ఎం.బిచ్చు నాయక్, సూప‌ర్‌వైజ‌ర్ వి.లలిత, నర్సింగ్ ఆఫీసర్ ఎం.మాధవి, పీహెచ్‌సీ సిబ్బంది పాల్గొన్నారు.