‘నగర పారిశుధ్యానికి శ్రమించే కార్మికుల ఆరోగ్యమే ముఖ్యం’

నగర పారిశుధ్య నిర్వహణలో నిరంతరం శ్రమించే కార్మికులు తమ ఆరోగ్య పరిరక్షణకు ప్రాధాన్యమివ్వాలని న‌ల్ల‌గొండ మేయర్‌ బుర్రి చైతన్య శ్రీనివాస్‌ రెడ్డి అన్నారు. గురువారం నల్ల‌గొండ నగరపాలక సంస్థ కార్యాలయంలో శ్రీ సత్య డెంటల్‌ హాస్పిటల్‌ ఆధ్వర్యంలో మున్సిపల్‌ కార్మికులు...

– న‌ల్ల‌గొండ మేయర్‌ బుర్రి చైతన్య శ్రీనివాస్‌ రెడ్డి

నీలగిరి, అక్టోబర్ 29 : నగర పారిశుధ్య నిర్వహణలో నిరంతరం శ్రమించే కార్మికులు తమ ఆరోగ్య పరిరక్షణకు ప్రాధాన్యమివ్వాలని న‌ల్ల‌గొండ మేయర్‌ బుర్రి చైతన్య శ్రీనివాస్‌ రెడ్డి అన్నారు. గురువారం నల్ల‌గొండ నగరపాలక సంస్థ కార్యాలయంలో శ్రీ సత్య డెంటల్‌ హాస్పిటల్‌ ఆధ్వర్యంలో మున్సిపల్‌ కార్మికులు, ఉద్యోగుల కోసం నిర్వహించిన ఉచిత దంత వైద్య శిబిరాన్ని డిప్యూటీ మేయర్‌ మహమ్మద్‌ అష్రఫ్‌ అలీ, కమిషనర్‌ బి.వంశీకృష్ణతో కలిసి మేయర్‌ ప్రారంభించారు. ఈ సందర్భంగా ఆమె మాట్లాడుతూ.. కార్మికులు క్రమం తప్పకుండా వైద్య పరీక్షలు చేయించుకోవడంతో పాటు వ్యక్తిగత పరిశుభ్రత పాటించాలన్నారు. కార్మికుల సంక్షేమానికి ఇలాంటి వైద్య శిబిరాలు ఎంతగానో దోహదపడతాయని తెలిపారు. శిబిరంలో డాక్టర్‌ అరవింద్‌ రెడ్డి, డాక్టర్‌ జిశాంక్‌, డాక్టర్‌ నందిని, ఎం.డి.నజీర్‌ ఖాన్‌ వైద్య పరీక్షలు నిర్వహించారు. ఈ కార్యక్రమంలో కార్పొరేటర్లు, మున్సిపల్‌ అధికారులు, కార్యాలయ సిబ్బంది పాల్గొన్నారు.