ఐదు రోజుల్లో పెండ్లి.. ప్రమాదవశాత్తు గుడిసె దగ్ధం

తుంగతుర్తి మండల పరిధిలోని మంచ్యా తండాలో ప్రమాదవశాత్తు గుడిసె దగ్ధమైన ఘటన శుక్రవారం అర్ధరాత్రి జరిగింది. తండాకి చెందిన లాకావత్ అమ్ము కుమారుడు లాకావత్ సోమన్న వివాహం ఈ నెల 26న జరుగనుంది.

– అగ్నికి ఆహుతైన బంగారు ఆభరణాలు, వస్త్రాలు, వస్తువులు, నగదు
– ప్రభుత్వం ఆదుకోవాలని వేడుకోలు

తుంగతుర్తి, ఫిబ్ర‌వ‌రి 21 : తుంగతుర్తి మండల పరిధిలోని మంచ్యా తండాలో ప్రమాదవశాత్తు గుడిసె దగ్ధమైన ఘటన శుక్రవారం అర్ధరాత్రి జరిగింది. తండాకి చెందిన లాకావత్ అమ్ము కుమారుడు లాకావత్ సోమన్న వివాహం ఈ నెల 26న జరుగనుంది. గుడిసె దగ్ధం కావడంతో పెండ్లికి సంబంధించిన బంగారు ఆభరణాలు, వస్త్రాలు, వస్తువులతో పాటు రూ.2 లక్షల న‌గ‌దు దగ్ధమైంది. ఈ ఘటన షార్ట్ సర్క్యూట్‌ లేదా ఏ విధంగా జరిగిందో తెలియక బాధితులు కన్నీటి పర్వంతమయ్యారు. ప్రభుత్వం, ఉన్నతాధికారులు స్పందించి తమని ఆదుకోవాలని బాధితులు వేడుకుంటున్నారు.