కలెక్టరేట్‌ ఎదుట అంగన్‌ వాడీల ధర్నా

అంగన్‌వాడీ కేంద్రాల్లో సీసీ కెమెరాలు, బయోమెట్రిక్‌ పెట్టాలనే నిర్ణయాన్ని ఉపసంహరించుకోవాలని సీఐటీయూ నాయకులు డిమాండ్‌ చేశారు. ఈ మేరకు మంగళవారం కలెక్టరేట్‌ వద్ద ధర్నా నిర్వహించారు.

భువనగిరి కలెక్టరేట్‌, మార్చి 12 : అంగన్‌వాడీ కేంద్రాల్లో సీసీ కెమెరాలు, బయోమెట్రిక్‌ పెట్టాలనే నిర్ణయాన్ని ఉపసంహరించుకోవాలని సీఐటీయూ నాయకులు డిమాండ్‌ చేశారు. ఈ మేరకు మంగళవారం కలెక్టరేట్‌ వద్ద ధర్నా నిర్వహించారు. ఈ సందర్భంగా సీఐటీయూ జిల్లా అధ్యక్ష, కార్యదర్శులు దాసరి పాండు, కల్లూరి మల్లేశ్‌ మాట్లాడుతూ ఏండ్ల తరబడిగా పనిచేస్తున్న అంగన్‌వాడీ టీచర్లు, హెల్పర్ల సమస్యల పరిషారానికి ప్రభుత్వం చర్యలు తీసుకోవాలన్నారు.

అంగన్‌వాడీ టీచర్లు ప్రభుత్వ పాఠశాల ఉద్యోగులతో సమానంగా పనిచేస్తున్నా ఒక్క పూట కూడా సెలవు ఇవ్వడం లేదని పేర్కొన్నారు. రాష్ట్ర వ్యాప్తంగా ఆన్‌లైన్‌ కుటుంబ సర్వేలు చేయాలని అధికారులు వేధిస్తున్నారని తెలిపారు. ప్రభుత్వ నిర్ణయాన్ని వెంటనే ఉపసంహరించుకోవాలని కోరారు. కార్యక్రమంలో అంగన్‌వాడీ టీచర్స్‌ అండ్‌ హెల్పర్స్‌ యూనియన్‌ జిల్లా అధ్యక్ష, కార్యదర్శులు బూరుగు స్వప్న, సిలువేరు రమ, అంగన్‌వాడీ టీచర్లు పద్మ, రమ, ఉమ, శోభ, సునీత, సరిత, సత్యలక్ష్మి, వసంత, ప్రమీల, షాహెదా, శోభ, కల్యాణి, రాధిక, లక్ష్మి పాల్గొన్నారు.