బాల్య వివాహాలు, చెడు వ్యసనాలపై అవగాహన

గ్రామీణ ప్రాంతాల్లో సామాజిక సమస్యలపై ప్రజలకు అవగాహన కల్పించడమే లక్ష్యంగా కనువిప్పు కళాబృందం సభ్యులు సిద్దిపేట జిల్లా రాయపోల్‌ మండలం వడ్డేపల్లి గ్రామంలో అవగాహన కార్యక్రమం నిర్వహించారు.

రాయపోల్‌, అక్టోబర్‌ 9 : గ్రామీణ ప్రాంతాల్లో సామాజిక సమస్యలపై ప్రజలకు అవగాహన కల్పించడమే లక్ష్యంగా కనువిప్పు కళాబృందం సభ్యులు సిద్దిపేట జిల్లా రాయపోల్‌ మండలం వడ్డేపల్లి గ్రామంలో అవగాహన కార్యక్రమం నిర్వహించారు. బాల్యవివాహాలు, సైబర్‌ నేరాలు, గంజాయి వినియోగం, మత్తు పదార్థాలు, ఇతర చెడు వ్యసనాల వల్ల కలిగే అనర్థాలను వివరిస్తూ గ్రామస్తుల్లో చైతన్యం కల్పించారు.
ఈ సందర్భంగా బాల్యవివాహాల వల్ల పిల్లల భవిష్యత్తుపై పడే ప్రభావం, సైబర్‌ నేరాల బారిన పడకుండా తీసుకోవాల్సిన జాగ్రత్తలను కళాబృందం సభ్యులు వివరించారు.

గంజాయి, ఇతర మత్తు పదార్థాలకు అలవాటుపడటం వల్ల ఆరోగ్యం, కుటుంబ జీవనంపై పడే దుష్ప్రభావాలను తెలియజేశారు. సామాజిక సమస్యల పట్ల ప్రతి ఒక్కరూ అప్రమత్తంగా ఉండాలని, చెడు వ్యసనాలకు దూరంగా ఉంటూ సమాజంలో మార్పు కోసం కృషి చేయాలని సూచించారు. ప్రజల్లో సామాజిక బాధ్యతను పెంపొందించి, సమస్యలపై అవగాహన కల్పించేందుకు ఇలాంటి కార్యక్రమాలు దోహదప డతాయని పేర్కొన్నారు. ఈ కార్యక్రమంలో గ్రామ సర్పంచ్‌ రాజాగారి రేణుక రాజాగౌడ్‌, ఉపసర్పంచ్‌ స్వామి, వార్డు సభ్యులు, గ్రామస్తులు తదితరులు పాల్గొన్నారు.