Solar plant | జమ్లా నాయక్ తండాలో సోలార్ ప్లాంట్ ఏర్పాటుపై రైతుల నిరసన

జమ్లా నాయక్ తండా జీపీలో సోలార్ ప్లాంట్ ఏర్పాటు చేసి తమ భూములను కబ్జా చేయడానికి చూస్తున్నారని తండా ప్రజలు తీవ్ర ఆగ్రహం వ్యక్తం చేశారు.

సిర్గాపూర్ : సంగారెడ్డి జిల్లా సిర్గాపూర్ మండలం జమ్లా నాయక్ తండా జీపీలో సోలార్ ప్లాంట్ ఏర్పాటు చేసి తమ భూములను కబ్జా చేయడానికి చూస్తున్నారని తండా ప్రజలు తీవ్ర ఆగ్రహం వ్యక్తం చేశారు. గత 50 ఏళ్లుగా తాము సాగు చేసుకుంటున్న భూములను సోలార్ ప్రాజెక్ట్ పేరుతో లాక్కోవాలని చూస్తే సహించేది లేదని హెచ్చరించారు.

కలెక్టర్, అధికారులు జోక్యం చేసుకుని పేద రైతుల భూములను కాపాడాలని డిమాండ్ చేశారు. ‘సోలార్ హటావో – జమ్లా తండా బచావో’ అంటూ తండా ప్రజలంతా ఏకమై నిరాహార దీక్ష చేపట్టామని, తమకు న్యాయం జరిగే వరకు పోరాటం ఆపేది లేదని స్పష్టం చేశారు.