Visit:
చౌటకూర్, జూన్ 27: విద్యార్థులను పాఠశాలకు తీసుకువెళ్తున్న ఓ ప్రైవేట్ సూల్ బస్సు అదుపు తప్పి పొలంలోకి దూసుకెళ్లింది. సంగారెడ్డి జిల్లా చౌటకూర్ మండలం చక్రియాల గ్రామ శివారులో శనివారం జరిగిన ఈ సంఘటనకు సంబంధించి స్థానికుల వివరాల ప్రకారం.. సంగారెడ్డి పట్టణంలోని పయనీర్స్ సూల్కు చెందిన బస్సులో డ్రైవర్ పరశురాం చక్రియాల గ్రామంలో విద్యార్థులను ఎకించుకుని బయలుదేరాడు.
శనివారం గ్రామ పొలిమేరల్లోకి రాగానే డ్రైవర్కు ఒకసారిగా ఫిట్స్ రావడంతో బస్సు అదుపుతప్పి కుడి వైపున ఉన్న పొలంలోకి దూసుకెళ్లి నిలిచిపోయింది. బస్సు ముందుభాగం గొయ్యిలో దిగబడడంతో వెనుక చక్రాలు పైకి లేచాయి. ఈ సంఘటనతో బస్సులో ప్రయాణిస్తున్న విద్యార్థులు వణికిపోయారు. విద్యార్థుల తల్లిదండ్రులు ఘటనా స్థలానికి చేరుకుని పిల్లలను బయటకు తీసి ఇండ్లకు తీసుకెళ్లారు.
