చిన్నకోడూరు, ఏప్రిల్ 23: చిన్నకోడూరులోని ఎల్లమ్మ దేవాలయ అష్టమ వార్షికోత్సవానికి మాజీ మంత్రి, సిద్దిపేట ఎమ్మెల్యే హరీశ్రావు మంగళవారం హాజరై అమ్మవారిని దర్శించుకున్నారు. ఈ సందర్భంగా ఆయన మాట్లాడారు. ఎల్లమ్మతల్లి ఆశీస్సులతో మనం చేసే కార్యం సఫలం కావాలన్నారు. గ్రామస్తులకు అన్నింటా శుభం చేకూరాలని కోరుకున్నారు.. గౌడకుల సంఘం ప్రతినిధులు హరీశ్రావుని సన్మానించారు. ఎమ్మెల్యే వెంట మండల ప్రజా ప్రతినిధులు, నాయకులు, కార్యకర్తలు ఉన్నారు.
నంగునూరు, ఏప్రిల్ 23: మండలంలోని పలు ఆలయాలను మాజీ మంత్రి హరీశ్రావు సందర్శించారు. జేపీతండాలో దుర్గావీరాంజనేయస్వామి నూతన ఆలయ ప్రతిష్ఠాపన, రాంపూర్లోని సీతారామచంద్ర స్వామి వార్షిక బ్రహ్మోత్సవాలు, గట్ల మల్యాల గ్రామంలో ఎల్లమ్మ దేవాలయ ప్రతిష్ఠ, అంక్షాపూర్ రేణుకా ఎల్లమ్మ దేవాలయ నాలుగో వార్షికోత్సవంలో ఆయన పాల్గొని ప్రత్యేక పూజలు చేశారు.
నారాయణరావుపేట, ఏప్రిల్ 23: మండల పరిధిలోని జక్కాపూర్లో పెద్దమ్మ తల్లి ఉత్సవాలు, నారాయణరావుపేటలో బీరప్ప ఉత్సవాల్లో మాజీ మంత్రి తన్నీరు హరీశ్రావు పాల్గొన్నారు.
అక్కన్నపేట, ఏప్రిల్ 23: ప్రజలందరూ సుభిక్షంగా ఉండాలని మాజీ మంత్రి,సిద్దిపేట ఎమ్మెల్యే తన్నీరు హరీశ్రావు ఆకాంక్షించారు. మండలంలోని మసిరెడ్డితండాలో హనుమాన్ విగ్రహ ప్రతిష్ఠాపన మహోత్సవానికి ఆయన హాజరయ్యారు. ఈ సందర్భంగా ఎంపీపీ మాలోతు లక్ష్మీబీలూనాయక్ హరీశ్రావుకు స్వాగతం పలికి సన్మానించారు. కార్యక్రమంలో తండావాసులు పాల్గొన్నారు.
వర్గల్, ఏప్రిల్ 23: మండలంలోని మజీద్పల్లిలో జరుగుతున్న రేణుకాఎల్లమ్మతల్లి వార్షికోత్సవాల్లో భాగంగా మంగళవారం జరిగిన ఎల్లమ్మదేవి కల్యాణం, గౌరంగం తదతర పూజల్లో మాజీ మంత్రి తన్నీరు హరీశ్రావు పాల్గొన్నారు.ఆయన వెంట ఎఫ్డీసీ మాజీ చైర్మన్ వంటేరు ప్రతాప్రెడ్డి, జడ్పీటీసీ, ఎంపీపీ, మాజీ సర్పంచ్, గౌడసంఘం ప్రతినిధులు పాల్గొన్నారు.