రంగులమయం

జిల్లాలో హోలీ సంబురాలు అంబురాన్నంటాయి. ఆదివారం రాత్రి కామదహనం కాగా సోమవారం తెల్లవారుజామునుంచే రంగులకేళీ ప్రారంభమైంది. చిన్నాపెద్ద వయోభేదం లేకుండా కలర్‌ఫుల్‌ వేడుకల్లో మునిగితేలారు.

• జిల్లాలో ఆనందోత్సాహాలతో హోలీపండుగ
• వయోభేదం లేకుండా వేడుకల్లో పాల్గొన్న జనం
• రంగులు చల్లుకుని సందడి
• కలర్‌ఫుల్‌ వేడుకల్లో పాల్గొని శుభాకాంక్షలు తెలిపిన ప్రజాప్రతినిధులు

జిల్లాలో హోలీ సంబురాలు అంబురాన్నంటాయి. ఆదివారం రాత్రి కామదహనం కాగా సోమవారం తెల్లవారుజామునుంచే రంగులకేళీ ప్రారంభమైంది. చిన్నాపెద్ద వయోభేదం లేకుండా కలర్‌ఫుల్‌ వేడుకల్లో మునిగితేలారు. స్నేహితులు, బంధువులతో కలిసి ఆడిపాడారు. రకరకాల రంగులు కలిపిన నీటిని చల్లుకుని హోలీ పాటలు పాడుతూ నృత్యాలు చేశారు. మహిళలు, ప్రజాప్రతినిధులు వేడుకల్లో పాల్గొని హోలీ ఆడి శుభాకాంక్షలు తెలుపుకొన్నారు. పల్లెల్లో డబ్బులు, డోలు వాయిద్యాలతో ర్యాలీగా తిరుగుతూ పాటలు పాడుతూ సందడి చేశారు. యువకులు రోడ్లపైకి వచ్చి కోడిగుడ్లు, టమాటాలతో స్నేహితులకు కొట్టడంతో పాటు రంగులు చల్లుకుంటూ ఎంజాయ్‌ చేశారు.

– సిద్దిపేట జిల్లా న్యూస్‌నెట్‌వర్క్‌, మార్చి 25