Laxma Reddy | ఎన్‌హెచ్‌ఎం ఉద్యోగుల సమస్యలు పరిష్కరించాలి : మాజీ మంత్రి లక్ష్మారెడ్డి

Laxma Reddy | ఎన్‌హెచ్‌ఎం ఉద్యోగుల సమస్యలు పరిష్కరించాలని మాజీ మంత్రి లక్ష్మారెడ్డి డిమాండ్‌ చేశారు .

మహబూబ్ నగర్ : ఎన్‌హెచ్‌ఎం ఉద్యోగుల సమస్యలు పరిష్కరించాలని మాజీ మంత్రి లక్ష్మారెడ్డి ( Laxma Reddy ) డిమాండ్‌ చేశారు . జిల్లా కేంద్రంలో ఎన్ హెచ్ ఎం ఉద్యోగుల దీక్షకు మాజీ మంత్రులు డా.సి.లక్ష్మారెడ్డి ,శ్రీనివాస్ గౌడ్ సంఘీభావం ప్రకటించారు. ఈ సందర్భంగా ఆయన మాట్లాడుతూ ప్రస్తుత ప్రభుత్వం మాయ మాటలు చెప్పి అధికారంలోకి వచ్చిందని ఆరోపించారు.

అన్ని వర్గాలను ప్రభుత్వం మోసం చేస్తోందని విమర్శించారు.కాంగ్రెస్ ప్రభుత్వం వచ్చి మూడు సంవత్సరాలు గడిచిపోయాయి.ఇక మిగిలింది 2 సంవత్సరాలే. మళ్ళీ బీఆర్ఎస్ అధికారంలోకి వస్తుందని ధీమాను వ్యక్తం చేశారు. తాను ఆరోగ్య శాఖ మంత్రిగా ఉన్న సమయంలో ఎన్‌హెచ్‌ఎంలు అందించిన సహకారం మరవలేనిదని తెలిపారు. ప్రభుత్వ ఆసుపత్రుల్లో సరైన వైద్య సేవలు అందటం లేదని, ప్రభుత్వ ఆసుపత్రుల్లో ప్రసవాల శాతం పెంచడానికి యన్ హెచ్ యం ఉద్యోగుల కృషి అభినందనీయమని అన్నారు. ప్రభుత్వం వెంటనే స్పందించి ఎన్‌హెచ్‌ఎంలకు న్యాయం చేయాలని కోరారు.