చెన్నకేశవ స్వామి ఆలయానికి రూ.1,00,116 విరాళం

వెల్దండ మండల పరిధిలోని కొట్ర గ్రామంలో శ్రీ చెన్నకేశవ స్వామి ఆలయాన్ని నూతనంగా నిర్మిస్తున్నారు.

వెల్దండ : వెల్దండ మండల పరిధిలోని కొట్ర గ్రామంలో శ్రీ చెన్నకేశవ స్వామి ఆలయాన్ని నూతనంగా నిర్మిస్తున్నారు. దాంతో సోమవారం కల్వకుర్తి మండలం తాండ్ర గ్రామానికి చెందిన యువ నాయకుడు కాయితి ఆశాదీప్ రెడ్డి ఆలయ నిర్మాణం కోసం రూ.1,00,116 లక్షల నగదు విరాళం అందజేశారు.

ఈ సందర్భంగా ఆశాదీప్ రెడ్డికి ఆలయ నిర్వాహకులు కృతజ్ఞతలు తెలిపారు. ఆయన మాట్లాడుతూ.. ఆలయాల అభివృద్ధికి ప్రతి ఒక్కరు తోడ్పాటు అందించాలన్నారు. ఈ కార్యక్రమంలో మాజీ ఎంపీటీసీ రాములు, నాయకులు షాంపూరి అల్లాజీ, నీరటి శ్రీను, జంగయ్య, శివ తదితరులు పాల్గొన్నారు.