Visit:
పెబ్బేరు, నవంబర్‌ 30 : మూఢ నమ్మకాల ము సుగులో ఓ కుటుంబాన్ని నిండా ముంచేశారు కేటుగాళ్లు. అమాయకత్వం, అత్యాశను ఆసరా చేసుకొ న్న మోసగాడు రూ.3.50 కోట్లు దండుకొని ముఖం చాటేశారు. ఇందుకు సంబంధించిన వివరాలు ఇలా ఉన్నాయి. వనపర్తి జిల్లా పెబ్బేరులో భాగ్యలక్ష్మి హో టల్‌ను నిర్వహిస్తున్నారు వెంకటేశ్‌, పద్మ దంపతు లు. వారు తరచూ అనారోగ్యాలకు గురవుతుండటంతో ఎవరో చెబితే నాలుగేళ్ల కిందట ఏపీలోని కర్నూలు జిల్లా ఆదోని మండలం బైచిగేరికి చెందిన జవలగేరి దుర్గాసింగ్‌ వద్దకు వెళ్లారు. తనకు అతీత శక్తులున్నాయని వారితో నమ్మబలికాడు. క్రమంగా వారిని తన చుట్టూ తిప్పుకోవడమే కాకుండా పూజ ల పేరిట విచ్చలవిడిగా ఖర్చు పెట్టించాడు. అలాగే వారి స్వగ్రామమైన అలంపూర్‌ ప్రాంతంలోని ఉండవెల్లిలోని పొలంలో దేవతా విగ్రహం ఉందని న మ్మించాడు.
ఒక అర్ధరాత్రి వేళ అక్కడికి వెళ్లి ఏవో పూజలు చేసి తవ్వించి ఒక విగ్రహాన్ని వెలికి తీయించాడు. దీంతో బాగా నమ్మిన ఆ దంపతులు అతను చెప్పినట్లు వినసాగారు. దొరికిన ఆ విగ్రహం మీ వద్ద ఉంటే మీ కుటుంబానికి ప్రమాదమని, మీ పిల్లలు చనిపోతారని భయపెట్టాడు. అతీత శక్తులున్న ఆ విగ్రహానికి అంతర్జాతీయ మార్కెట్‌లో బాగా విలువ ఉంటుందని.. దాన్ని కొనేందుకు దేశ, విదేశీయులు ఆసక్తి చూపుతున్నారని చెప్పాడు. నాలుగైదు సార్లు వీరిని ఢిల్లీకి విమానంలో తీసుకెళ్లి భారీగా డబ్బులు ఖర్చుపెట్టించాడు. చివరకు ఓ అజ్ఞాత వ్యక్తి వీరికి ఫోన్‌ చేసి మిమ్మల్ని దుర్గాసింగ్‌ మోసం చేస్తున్నాడని చెప్పడంతో అప్పుడు వీరు తే రుకున్నారు. అప్పటికే ఈ దంపతులు విడుతల వారీగా ఆ వ్యక్తికి రూ.3కోట్లకు పైగా సమర్పించుకున్నారు. ఈ తతంగమంతా నాలుగేండ్లపాటు జరిగి రెండు రోజుల కిందటే వెలుగు చూసింది.
ఈ విషయమై ‘నమస్తే తెలంగాణ’ వెంకటేశ్‌, పద్మ దంపతులను వివరణ కోరగా.. దుర్గాసింగ్‌, అతడి అనుచరులు తమను బాగా భయపెట్టి మోసం చేసినట్లు చెప్పారు. తమ ఆస్తులు, భూములు అమ్మి అతనికి నగదును ముట్టజెప్పినట్లు తెలిపారు. తమ డ బ్బులు తిరిగి ఇవ్వాలని కోరితే తమను చంపుతాన ని బెదిరించారని వాపోయారు. ఆదోని పోలీసులు పట్టించుకోకపోతే అక్కడి ఎమ్మెల్యే పార్థసారథిరెడ్డి వద్దకు వెళ్లి గోడు వెళ్లబోసుకున్నామని తెలిపారు. తమకు ఎలాగైనా న్యాయం చేయాలని కోరుతున్నా రు. తమలాంటి ఎంతో మంది సమస్యలతో దుర్గాసింగ్‌ వద్దకు వస్తారని, మాయలు, మంత్రాల పే రుతో మోసం చేస్తున్నట్లు వెల్లడించారు. కాగా, వీరి ని మోసం చేసిన వ్యక్తి ఆదోని మండలం బైచిగేరిలో దుర్గాసింగ్‌ ఫౌండేషన్‌ చారిటబుల్‌ ట్రస్టు పేరుతో పలు సామాజిక కార్యక్రమాలు నిర్వహిస్తున్నట్లు తెలిసింది. ఈ ఘరానా మోసం బయటకు రావడం తో ఆయన పరారైనట్లు సమాచారం.
