Maize | బాదేపల్లి వ్యవసాయ మార్కెట్లో మొక్కజొన్నకు రికార్డు ధర 

బాదేపల్లి వ్యవసాయ మార్కెట్లో మొక్కజొన్నకు గతంలో ఎన్నడూ లేని విధంగా రికార్డు ధర పలికింది.

జడ్చర్ల, అక్టోబర్ 13 : మహబూబ్‌నగర్‌ జిల్లా జడ్చర్ల మండలంలోని బాదేపల్లి వ్యవసాయ మార్కెట్లో మొక్కజొన్నకు గతంలో ఎన్నడూ లేని విధంగా రికార్డు ధర పలికింది. మంగళవారం వ్యవసాయ మార్కెట్ కు 373 బస్తాల మొక్కజొన్న అమ్మకానికి రాగా అత్యధికంగా క్వింటాలకు రూ. 2,732 ధర పలికింది. ఇప్పటివరకు ఇంత ధర పలకడం మార్కెట్ చరిత్రలో ఇదే మొదటిసారి.

ఎల్ నినో ప్రభావంతో ఈసారి వాన కాలంలో వర్షాభావ పరిస్థితులు ఏర్పడడం వలన మొక్కజొన్న సాగు తగ్గింది. అలాగే సాగుచేసిన మొక్కజొన్న పంటకు వర్షాలు లేకపోవడంతో పంటలు పూర్తిగా దెబ్బతిన్నాయి. దీంతో వ్యాపారులు మొక్కజొన్నకు అధిక ధరలకు కొనుగోలు చేస్తున్నారు. మొక్కజొన్న ధరలు ఇంకా పెరిగే అవకాశం ఉందని మార్కెట్ వర్గాలు తెలుపుతున్నాయి