Visit:
వీపనగండ్ల, మే 22 : అన్నా అని పిలిస్తే.. నేనున్నానంటూ ఆపదలో ఉన్నవారికి భరోసా కల్పించి కల్వకుంట్ల తారక రామారావు తన గొప్పమనసు చాటుకున్నారు. మెడికల్ సీటు సాధించి చదువుకొనేందుకు ఆర్థిక స్థోమతలేక ఇబ్బందులు పడుతున్న ఓ పేద విద్యార్ధినికి ఆర్థిక భరోసానిచ్చారు. కొల్లాపూర్ నియోజకవర్గం మాజీ ఎమ్మెల్యే బీరం హర్షవర్థన్రెడ్డి విజ్ఞప్తికి స్పందించి వీపనగండ్ల మండలం కల్వరాల గ్రామానికి చెందిన బొరెల్లి గౌరికి ఎంబీబీఎస్ చదువు పూర్తిచేసేందుకు అయ్యే ఖర్చులు అందజేసేందుకు ముందుకొచ్చారు. ఫస్టియర్ చదువుకు ఆర్థికసాయం అందజేయగా, సెకండియర్ చదువుకు సంబంధించిన చెక్కును కుటుంబ సభ్యులకు అందజేశారు. విద్యార్ధిని చదువు పూర్తయ్యే వరకు అండగా ఉంటామని భరోసా కల్పించారు. తమ కుమార్తె చదువుకు కేటీఆర్ అండగా నిలవడంతో విద్యార్థిని తల్లిదండ్రులు జీవితాంతం రుణపడి ఉంటామని తెలిపారు.
