Visit:
గా కాలంల కాపోల్లత్త
గంప నిండ టమాటలు
రాముల్కాయలు
పట్టుకత్తుండే…
సవ్వసేరు టమాటలు జోకుతే
అర్దక్కెడు అత్తుండే…
మంచి మొగ్గుతోటి జోకుతుండే…
మల్ల మీదికెల్లి కొసరేత్తుండే
గప్పటి మనసులల్ల పాసంగం
వుంటుండే…
ఇయ్యల్ల ఏ దుకాన్లయినా
తక్కడి జోకుడంటే దండె గొట్టుడే
బాట్లు సుతం బర్వు తక్కయే…
కిలో బాటు తోటి జోకుతే
అచ్చేది పోనుకిలోనే…
గా తక్కడి లెక్కనే
మనుషులల్ల సుతం
పాసంగం లేకుంట అయింది
బలమున్నోనికెయి
మొగ్గు పడుతుండ్రు…
గాడేమన్నా కొసరేత్తడేమోనని…
అయినా… గా పిసోల్లకేం తెలుస్తది
గాడు కొసరు గాదు గని
పిసరు సుతం దుల్పడని…
మన బతుకు తక్కడిని
పాసంగంల వుంచుకొని
ఉత్తగచ్చే కొత్తలకు
కొంగు సాపకుంట
నియ్యతుగ బతుకుదం!!
-అల్లాడి శ్రీనివాస్
83416 63982
