Visit:
Darjeeling : మధుర జ్ఞాపకంగా మిగిలిపోవాల్సిన హనీమూన్ ఒక జంటకు తీవ్ర గాయంగా నిలిచింది. జంట బస చేసిన హోం స్టేలో యువతి అగ్ని ప్రమాదానికి గురై, తీవ్ర గాయాలపాలైంది. ఆమె భర్తకు కూడా కాలిన గాయాలయ్యాయి. దీనికి సంబంధించిన వీడియో సోషల్ మీడియాలో వైరల్ అవుతోంది. ఈ ఘటనకు సంబంధించిన వివరాలివి. పశ్చిమ బెంగాల్లోని చోప్రా ప్రాంతానికి చెందిన సమీర్ దాస్-నిఖిత అనే యువ జంట తమ హనీమూన్ కోసం కలింపోగ్ జిల్లాలోని పర్వత ప్రాంతంలోని సిటాంగ్లో ఉన్న ఒక ప్రైవేటు హోమ్ స్టేలో ఇటీవల బస చేశారు.
సెప్టెంబర్ 13న రాత్రి ఉన్న హోమ్ స్టేలో సేద తీరుతుండగా ఫైర్ బాల్లో మంటలు చెలరేగాయి. జంట ఒక టేబుల్ పక్కన కూర్చుని, అక్కడి ఫైర్బాల్లోని మంటతో సేదతీరారు. ఈ క్రమంలో సిబ్బంది ఒకరు ఆ మంటను మరింత పెంచేందుకు ఒక కెమికల్ ద్రావణాన్ని పోసేందుకు ప్రయత్నించాడు. ఆ మంటలో పడాల్సిన కెమికల్ కాస్తా.. అక్కడే ఉన్న నిఖితపై పడింది. దీంతో క్షణాల్లోనే ఆ యువతి ఒంటికి నిప్పంటుకుంది. ఈ మంటలు పెద్దగా అయ్యాయి. దీంతో ఆమె భర్త మంటలను ఆర్పేందుకు ప్రయత్నించాడు.
🚨 NEWLYWED WOMAN CATCHES FIRE DURING BARBECUE IN WEST BENGAL
A newlywed woman was engulfed in flames during a barbecue session at a homestay in Sitong, Kalimpong, West Bengal, on September 13.
CCTV footage that has now surfaced shows a man appearing to pour liquid near the… pic.twitter.com/ahPMKrSAnc
— contentkikamii (@contentkikamii) September 18, 2026
కానీ, ఆ సమయంలో ఆమె మంటల్ని ఆర్పేందుకు అక్కడ ఎలాంటి ఏర్పాట్లూ లేవు. చివరకు ఆ భర్త తన టీషర్ట్ తీసి, మంటలను ఆర్పేందుకు ప్రయత్నించాడు. చివరకు ఎలాగోలా భర్త, హోం స్టే స్టాఫ్ కలిసి మంటలను ఆర్పేశారు. అయితే, ఈలోపే నిఖితకు తీవ్ర గాయాలయ్యాయి. మంటలు ఆర్పే క్రమంలో ఆమె భర్త కూడా కాలిన గాయాలయ్యాయి. వెంటనే ఇద్దరినీ అక్కడి సిబ్బంది స్థానిక ఆస్పత్రికి తరలించి, చికిత్స అందించారు. ఈ ఘటనపై నిఖిత భర్త ఆగ్రహం వ్యక్తం చేశాడు.
స్తానిక పోలీసులకు ఫిర్యాదు చేశాడు. హోం స్టేలో అత్యవసర పరిస్తితిలో రక్షణ కోసం ఎలాంటి ఏర్పాట్లూ లేవని చెప్పాడు. కనీసం మంటలార్పే ఫైర్ ఎక్సిటింగ్విషర్ కూడా లేదని తన ఫిర్యాదులో పేర్కొన్నాడు. హోం స్టేపై చర్యలు తీసుకోవాలని కోరాడు. మరోవైపు.. గాయాలపాలైన నిఖిత ఆరోగ్య పరిస్థితిపై తగిన సమాచారం లేదు.
