విముక్తి గీతం

అదిగదిగో ఇప్పుడక్కడ గంగ పొంగుతోంది నల్లాలో నీరు ఉత్తుంగ తరంగమై ఎగిసిపడుతోంది ఆ ముఖాలన్నీ తడితుంపరల సాక్షిగా విప్పారుతున్నాయి

అదిగదిగో ఇప్పుడక్కడ
గంగ పొంగుతోంది
నల్లాలో నీరు ఉత్తుంగ
తరంగమై ఎగిసిపడుతోంది
ఆ ముఖాలన్నీ తడితుంపరల సాక్షిగా విప్పారుతున్నాయి

ఒకప్పుడు ఆ ప్రదేశం నీటిచుక్కకై
నిలువునా ఎదురుచూసేది
మైళ్ళ దూరానున్న చెమ్మ కోసం
ఎడారి బీటలపై నడక సాగించేది
దొరికింది కలుషిత నీరైనా
కరువు పీడుతులకదే కానుకయ్యేది
పంటచేలు పొడి నాలుకలతో
వానచుక్కకై ఎదురు చూసేవి

మరి ఇప్పుడు..
దశాబ్దాల పోరాటంతో
ఏర్పరచుకున్న రాష్ట్రంలో
కనులారా కురుస్తుంది
కలలుగన్న జలసిరి

అధికారమందుకున్నదే తడవుగా
ముఖ్యమంత్రి చంద్రశేఖరుడు
కార్యనిర్వహణా దీక్షుడై
అపర భగీరధుడై
గోదావరి కృష్ణ జలాలకు
ఎడారి భూమికి చూపాడు
చెరువులను కుంటలను
జలసిరితో నింపాడు
ప్రకృతికి పచ్చదనపు రంగు అద్దాడు

త్రాగునీటి సరఫరా ప్రాజెక్టు ద్వారా
కరువు పీడితుల గాథలకు
కలుషిత జల వనరులకు
ఫ్లోరైడ్ రాకాసి కోరలకు
విముక్తి గీతం పాడాడు

అందుకే…
ఇప్పుడిక్కడ చేలు
పచ్చదనపు రాగాలు తీస్తున్నాయి
ఇంటి నల్లాలు
స్వచ్ఛా గానాలు పాడుతున్నాయి

– విశ్వైక
సికింద్రాబాదు
9550183143