డప్పు సప్పుడు…

డప్పు సూడంగానే ఆడంబరంగా అనిపించదు మోగించంగనే నాల్గు దిక్కులు ఒక్కటైపోతై గుండె సైతం మోగుతది !!

డప్పు సూడంగానే
ఆడంబరంగా అనిపించదు
మోగించంగనే నాల్గు దిక్కులు ఒక్కటైపోతై
గుండె సైతం మోగుతది !!

జులూస్‌ కు జోష్‌ డప్పు సప్పుడే !

విజిల్‌ ఏసేటోల్లకు డప్పు సప్పుడు తాకత్‌ !

సావుకోంగ డప్పు సప్పుడుకు ఒక్కోసారి
పాడెమీదున్నోడు జప్పన లేచి కూసుంటడు
యమధర్మరాజు పరేశాన్‌ అయితడు!
ఢఢణకఢన్‌ ఢణకఢన్‌ ఢన్‌ ఢన్‌ ఢన్‌ !

డప్పు మన తాతముతాత్తల కాలం నుండి
తప్పిపోకుండా మన వెంట వస్త్తనే ఉన్నది

డప్పు సప్పుడు ముందు
బ్యాండ సప్పుడు ఎనకెనకనే

అగో! తాత మనవడికి
డప్పు కొట్టుడు నేర్పిస్తున్నడు
ఇగ ఇద్దరు కలిసి గులాల్‌
సల్లుకుంటా
డ్యాన్సు చేస్తున్నరు
రేపు తెలంగాణకు మంచి
రోజులు రావాలని

కందాళై రాఘవాచార్య
8790593638