బాల్యం

గాల్లోకి ఎగిరేస్తే ఆకాశాన్ని అందుకున్నంత సంతోషం ! అందనంత దూరంలో ఉన్న చందమామతో ఆడుకోవాలనే అల్లరి !!

స్వచ్ఛమైన పువ్వుల నవ్వులు బాల్యం !
అలుపెరుగని ఆటలు బాల్యం !!

గాల్లోకి ఎగిరేస్తే
ఆకాశాన్ని అందుకున్నంత సంతోషం !
అందనంత దూరంలో ఉన్న
చందమామతో ఆడుకోవాలనే అల్లరి !!

నిప్పును పండు అనుకొని
ముద్దాడాలనే మురిపం !
నాన్న ఒడి నుంచి
భుజానికెక్కాలనే ఉత్సాహం !!

అంబాడుతూనే
అడ్డంకులెన్నో దాటే ప్రయత్నం !
అక్షరాలను బలపంతో
మళ్లీ మళ్లీ దిద్దిన జ్ఞాపకం !!

ఈరోజు అనిపిస్తుంది, అవన్నీ…..
బాల్యంలో నేర్చుకున్న పాఠాలా
బాల్యం నేర్పిన పాఠాలా అని !!

– జీ జగ్గయ్య 98495 25802