ఒక్కో రోజుకు బాకీ పడతామో,
బాకీ తీరుతుందో తెలియదు.
పగలంతా ఊహల్లో ఈత
రాత్రంతా మెలకువలో మునక
ఊడిగం చేసే ఆలోచనలో
విశ్రాంతి లేని నిజాలు
వెలుతురును కప్పుకుని
ఎండలో ఎగురుతూ
చీకటిని చుట్టుకుని
చలిలోముడుచుకొని
తలను నేలలో పాతి
ఆకాశానికి కాళ్లను వేలాడతీసి
సంద్రంలా మారిన మెదడులో
తెరలు తెరలుగా కలలు
నిద్రను ఢీ కొని బద్దలైన రోజులో
బద్ధకంగా బతికే ఉంటాయి.
– శ్రీ సాహితి 97044 37247