Air Purifier | ఈ మెషిన్‌ మీ ఇంట్లో ఉంటే స్వచ్ఛమైన గాలి పీల్చుకోవచ్చు.. ధర ఎంతంటే?

నగరాల్లో వాయు కాలుష్యం పెరుగుతూనే ఉన్నది. స్వచ్ఛమైన గాలి పీల్చడం కాస్త కష్టమైన పనిలాగానే కనిపిస్తున్నది. ప్రతి సమస్యకూ పరిష్కారం చూపే సాంకేతికత ఇందుకూ ఓ మార్గం వెతికింది. ఎయిర్‌ ప్యూరిఫయర్లను పరిచయం చేసి, పండగ చేసుకోమని చెప్పింది.

Air Purifier | నగరాల్లో వాయు కాలుష్యం పెరుగుతూనే ఉన్నది. స్వచ్ఛమైన గాలి పీల్చడం కాస్త కష్టమైన పనిలాగానే కనిపిస్తున్నది. ప్రతి సమస్యకూ పరిష్కారం చూపే సాంకేతికత ఇందుకూ ఓ మార్గం వెతికింది. ఎయిర్‌ ప్యూరిఫయర్లను పరిచయం చేసి, పండగ చేసుకోమని చెప్పింది. వివిధ ఎలక్ట్రానిక్‌ సంస్థలు వీటిని ఇప్పటికే రకరకాల ఫీచర్లతో తయారు చేస్తున్నాయి. ఈ మధ్య భారత్‌లో లాంచ్‌ అయింది ‘క్జియోమి స్మార్ట్‌ ఎయిర్‌ ప్యూరిఫయర్‌ 4’. సన్నగా పొడవుగా ఉండే ఇది ఒక పెద్ద గదిలోని గాలిని శుభ్రపరచగలదు. అంతేకాదు దీన్ని స్మార్ట్‌ఫోన్‌ సాయంతో ఆపరేట్‌ చేయొచ్చు. గాలి స్వచ్ఛతకు సంబంధించిన వివరాలనూ అందిస్తుంది.

ఈ సమాచారాన్ని ప్యూరిఫయర్‌ మీద ఉండే స్క్రీన్‌ మీద కూడా చూపుతుంది. గాలిలోని దుమ్ము, పెంపుడు జంతువుల వెంట్రుకలు, పుప్పొడి రేణువుల్లాంటి సన్నటి పొడులను కూడా పీల్చుకుంటుంది. గదిలోని చెడు వాసనలను తొలగించేలా పనిచేస్తుంది. అంతేకాదు, ఇందులోని ఫ్యాన్‌ ని తుడుచుకునేందుకు వీలుగా సులభంగా మూత తీసి పెట్టుకునేలా దీన్ని రూపొందించారు. తక్కువ శబ్దంతో పనిచేసే దీని ధర రూ. 14,999. mi.com లో కొనుక్కోవచ్చు.