ప్రియాంక మెచ్చిన ఇంగ్లిష్ టీచర్
‘చిన్న చిన్న ప్రయత్నాలు చేస్తే జీవితం ఎంత పెద్ద మలుపు తిరుగుతుందో యశోద సాధించిన విజయాన్ని చూసి తెలుసుకుందాం’ అంటూ బాలీవుడ్ నటి ప్రియాంక చోప్రా సోషల్ షేర్ చేసిన వీడియో సామాజిక మాధ్యమాల్లో తెగ వైరల్ అవుతున్నది. ఆ వీడియోలోని యశోద లోధి మరింత పాపులర్ అయింది.
పెద్ద లక్ష్యాలు సాధించాలంటే పెద్ద ప్రయత్నమే చేయాలని లేదు. అవకాశాన్ని బట్టి, స్తోమతకు తగ్గ ప్రయత్నాలతోనూ విజయం సాధించవచ్చని చెప్పడానికి యశోద జీవితం ఓ ఉదాహరణ. ఒక గ్రామీణ బాలిక పెరిగి, పెద్దయ్యాక ఆంగ్ల భాషలో సొంతంగా పట్టు సాధించి, తనకు వచ్చిన ఇంగ్లిష్ని సోషల్ మీడియా ద్వారా నలుగురికీ నేర్పిస్తున్నది. ఈ ప్రయత్నం ప్రియాంక చోప్రాకు నచ్చింది. యశోదను ప్రశంసిస్తూ, తన ఫాలోవర్లకు ఆమెను పరిచయం చేసింది. నిన్నటి దాకా ‘English with Dehati Madam’గా ఉన్న యశోద గురించి, తను చెప్పే ఇంగ్లిష్ పాఠాల గురించి ప్రధాన పత్రికలు వార్తలు రాశాయి! ఉత్తర్ప్రదేశ్లోని కౌసంబి జిల్లా, సిరాతునగర్ పంచాయతీ పరిధిలోని లోధన్ కా పూర్వ గ్రామం యశోద స్వస్థలం. తనకు ఏడాది వయసున్నప్పుడు పంజాబ్లో నివసించే బంధువులు ఆమెను దత్తత తీసుకున్నారు.
బంధువుల సంరక్షణలో పెరిగిన యశోద ఇంటర్మీడియట్ వరకు చదివింది. తర్వాత ఉత్తర్ప్రదేశ్కు తిరిగి వచ్చింది. గ్రామీణ జీవితంలో చిన్న చిన్నపనులు చేసుకుంటూ ఉండేది. తనకు ఇంగ్లిష్ రాదు. నేర్చుకోవాలనే ఆలోచన వచ్చింది. అందుకు తగ్గ అవకాశం లేకపోయినా నిరాశ చెందలేదు. ఇంటర్నెట్లో వీడియోల్లో ఇంగ్లిష్ సంభాషణ ఆసక్తిగా వినేది. ఆ తర్వాత వాళ్లను అనుకరిస్తూ మాట్లాడేది. పదిహేను రోజుల తర్వాత… యూట్యూబ్ చానెల్ ప్రారంభించింది. నెమ్మదిగా దానికి ఫాలోవర్లు పెరుగుతూ వచ్చారు. కొన్నాళ్లకు మానిటైజ్ అయింది. ఆంగ్ల భాషపై నిదానంగా పట్టుచిక్కడంతోపాటు ఆదాయమూ మొదలైంది. ఇన్స్టాగ్రామ్, ఫేస్బుక్, ఇతర సోషల్ మీడియా ప్లాట్ఫామ్లపై కూడా యశోద చానెల్స్ ప్రారంభించింది. గ్రామీణ నేపథ్యం నుంచి వచ్చిన మహిళ చెప్పే ఆంగ్ల పాఠాల వీడియోలు ప్రియాంక చోప్రాను ఆకట్టుకున్నాయి. ఇన్స్టాగ్రామ్లో యశోద హ్యాండిల్ @yashoda5944 ని నాలుగు లక్షల మంది ఫాలో అవుతున్నారు. ప్రియాంక చోప్రా ప్రశంసలతో మరో లక్షన్నర మంది ఫాలోవర్లు కొత్తగా చేరారు!

Yashoda
Read Today's Latest Lifestyle News in Telugu and Telugu News
RELATED ARTICLES
తాజా వార్తలు
The Lakshmana | వెండితెరపై లక్ష్మణుడి అజ్ఞాత వీరగాథ.. ఆకట్టుకుంటున్న ‘ది లక్ష్మణ’ ఫస్ట్ లుక్ పోస్టర్!
Mallu Ravi | ఎమ్మెల్యేలు కోమటిరెడ్డి రాజగోపాల్ రెడ్డి, అనిరుధ్ రెడ్డి లక్ష్మణ రేఖ దాటారు : మల్లు రవి
YSRCP | టీడీపీ ఎమ్మెల్యే జయరాం వర్గీయుల దౌర్జన్యం.. వైఎస్సార్సీపీ నేత రామాంజనేయరెడ్డి కిడ్నాప్
Road Accident | లారీని ఢీకొట్టిన టెంపో.. ఒకే కుటుంబానికి చెందిన 9 మంది దుర్మరణం..!
Army Families Killed | లారీ ఢీకొట్టడంతో రెండు ముక్కలైన కారు.. ఆర్మీ కుటుంబాలకు చెందిన ఏడుగురు మృతి
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

