Brushing Tips | ఉదయాన్నే చేసే పనుల్లో దంతాల శుభ్రత చాలా ముఖ్యమైనది. దీన్ని ఇష్టానుసారంగా చేయడం వల్ల పళ్లపై ఉండే ఎనామెల్‌ పొర కరిగిపోయి, దంతాలు బలహీనంగా తయారవుతాయని డెంటిస్టులు చెబుతున్నారు. బ్రష్ చేసేటప్పుడు ఎలాంటి జాగ్రత్తలు తీసుకోవాలో పలు టిప్స్‌ సూచిస్తున్నారు.
చాలామందికి రోజులో ఒకసారి మాత్రమే బ్రష్ చేయటం అలవాటు. అలా కాకుండా సాయంత్రం పూట కూడా బ్రష్ చేయటం అలవాటు చేసుకోవాలి.
బ్రష్, టూత్‌పేస్టుల ఎంపికలోనూ జాగ్రత్తలు పాటించాలి. నాణ్యమైనవాటినే వాడాలి. ఒకే బ్రాండ్‌ను వాడాలి. ప్రతిసారి కొత్తబ్రాండ్ వస్తువులను వాడటం వల్ల కూడా సమస్యలు ఎదురవుతాయట.
ముఖ్యంగా దంతాల మధ్య భాగంలో ఆహారం ఇరుక్కుపోతుంది. అక్కడే బ్యాక్టీరియా చేరుతుంది. కాబట్టి పండ్ల మధ్యభాగంలో బాగా శుభ్రం చేయాలి.
ఒకే బ్రష్‌ను కూడా ఎక్కువ కాలం వాడటం మంచిది కాదు. వీలైనంత త్వరగా బ్రష్‌ను మార్చాలి.
టంగ్ క్లీనర్లు ఉపయోగించి నాలుకను శుభ్రపరచాలి. అలా అని టంగ్ క్లీనర్‌తో నాలుకపై బలంగా రుద్దకూడదు. మృదువుగా వాడాలి. గట్టిగా రుద్దడం వల్ల నాలుకపై ఉండే రుచిగులికలు పోయే ప్రమాదం ఉంది.
