Parenting | గుడ్‌ డాడీ అనిపించుకోవాలంటే..

పిల్లల పెంపకం కత్తిమీద సామే! తల్లిదండ్రుల మాటతీరు, వ్యవహారశైలి పిల్లలపై ప్రత్యక్ష ప్రభావం చూపుతుంది. అమ్మానాన్నలు ఇద్దరూ ఉద్యోగులే అయితే.. ఆ కుటుంబ వాతావరణం కాస్త విచిత్రంగానే ఉంటుంది.

Parenting | పిల్లల పెంపకం కత్తిమీద సామే! తల్లిదండ్రుల మాటతీరు, వ్యవహారశైలి పిల్లలపై ప్రత్యక్ష ప్రభావం చూపుతుంది. అమ్మానాన్నలు ఇద్దరూ ఉద్యోగులే అయితే.. ఆ కుటుంబ వాతావరణం కాస్త విచిత్రంగానే ఉంటుంది. అయితే, ఎంత బిజీగా ఉన్నా.. ఇంటికి వచ్చాక తల్లులు పిల్లలతో అధిక సమయం గడుపుతుంటారు. అదే తండ్రుల విషయానికి వచ్చేసరికి పిల్లల కోసం సమయాన్ని చాలా తక్కువ మంది కేటాయిస్తుంటారు. గుడ్‌ డాడీ అనిపించుకోవాలంటే ఈ టిప్స్‌ ఫాలో అవ్వండి..

• ఎంత బిజీగా ఉన్నా పిల్లలకు రోజూ సమయం కేటాయించాల్సిందే! వారానికి ఒకసారైనా బిడ్డలను దగ్గర్లోని పార్కుకు తీసుకెళ్లాలి. తీసుకెళ్లాక వారి మానాన వారిని వదిలేయకుండా.. మీరూ వారితో గేమ్స్‌ ఆడాలి. అప్పుడే పిల్లలతో బాగా కనెక్ట్‌ అవగలుగుతారు.
• తండ్రి లక్షణాలు పిల్లలకు ఇట్టే వచ్చేస్తుంటాయి. కాబట్టి, తండ్రి తన పాత్ర సమర్థంగా పోషించాలి. వ్యసనాలు, అబద్ధాలాడటం లాంటి లక్షణాలుంటే.. వాటిని మార్చుకోవాలి. చీటికీమాటికీ ఆవేశపడితే అది పిల్లలపై ప్రతికూల ప్రభావం చూపుతుందని గ్రహించండి.
• ఈతరం పిల్లలు హైపర్‌ యాక్టివ్‌గా ఉంటున్నారు. వారిని భరించాలంటే ఓపిక చాలా అవసరం. వాళ్లు వేసే ప్రశ్నలకు నిదానంగా సమాధానం చెప్పాలి. వారితో విలువైన సమయం గడపాలి. అంతేకానీ, తీరిక లేదని కసురుకుంటే.. మంచి తండ్రి అనిపించుకోలేరు.