గ్యాడ్జెట్లు భద్రం

రంగుల హోలీ అంటే సందడి, సంతోషం, ఆనందం! కానీ, ఈ సంబురాల్లో మీ స్మార్ట్‌ఫోన్లు, ఇయర్‌బడ్స్‌, స్మార్ట్‌వాచ్‌లు నీటిలో తడిసి, రంగుల మరకలతో పాడయ్యే ప్రమాదం ఉంది. సరైన జాగ్రత్తలు తీసుకుంటే.. రంగుల కేళీని ఎంచక్కా ఆస్వాదించొచ్చు.

రంగుల హోలీ అంటే సందడి, సంతోషం, ఆనందం! కానీ, ఈ సంబురాల్లో మీ స్మార్ట్‌ఫోన్లు, ఇయర్‌బడ్స్‌, స్మార్ట్‌వాచ్‌లు నీటిలో తడిసి, రంగుల మరకలతో పాడయ్యే ప్రమాదం ఉంది. సరైన జాగ్రత్తలు తీసుకుంటే.. రంగుల కేళీని ఎంచక్కా ఆస్వాదించొచ్చు. మీ స్మార్ట్‌ గ్యాడ్జెట్స్‌కు వాటర్‌ప్రూఫ్‌ రక్షణ కల్పించి హోలీని ఎంజాయ్‌ చేయండి.

• ఇప్పటికిప్పుడు హోలీ కోసం వాటర్‌ప్రూఫ్‌ స్మార్ట్‌ఫోన్లు కొనడం హాస్యాస్పదమే అవుతుంది! మీ ఫోన్‌కు వాటర్‌ప్రూఫ్‌ రక్షణ కల్పించే పౌచ్‌లు తీసుకుంటే మంచిది. YOSH, Syncwire బ్రాండ్లు నాణ్యమైన పౌచ్‌లు అందిస్తున్నాయి. పారదర్శకమైన, టచ్‌-సెన్సిటివ్‌ పౌచ్‌లతో నీళ్లు, రంగులనుంచి ఫోన్‌ని కాపాడుకోవచ్చు.
• స్మార్ట్‌వాచ్‌ వాటర్‌ప్రూఫ్‌ బాపతు కాకపోతే.. హోలీ వేళ దానిని ధరించకపోవడమే మంచిది.
• హోలీ ఆడుతూనే మ్యూజిక్‌ మస్తీ చేయాలా? WF-SP800N లేదా JBL ఎండ్యూరెన్స్‌ పీక్‌ ఇయర్‌ బడ్స్‌ పెట్టుకోవచ్చు. వీటికి బలమైన IP రేటింగ్‌ ఉంది. రంగులు, నీళ్లు, చెమట తగిలినా తట్టుకుంటాయి. ప్రస్తుతం మార్కెట్‌లోకి వస్తున్న ఆధునిక బడ్స్‌ అన్నీ నీటిలో తడిసినా మనగలిగేవే ఉంటున్నాయి.