కుక్క.. మనిషికి ఇష్టమైన జంతువు. మనసుకు దగ్గరైన పెంపుడు ప్రాణి. అలా అని శునకాల పెంపకం అంత తేలిక కాదు. వాటి మనసును గ్రహించే ప్రయత్నం చేయాలి. మరీ ముఖ్యంగా.. అవి దూకుడు మీద ఉన్నప్పుడు, కోపంతో దాడి చేస్తున్నప్పుడు ఎలా స్పందించాలో చాలామందికి అర్థం కాదు. ఇలాంటి సమయాల్లో గురుగ్రామ్ వాసులైతే, భావన గఖర్కు ఫోన్ చేస్తారు. ఆమెకు పెట్ కన్సల్టెన్సీ ఉంది. కుక్కల స్వభావాన్ని విశ్లేషిం చడం, వాటి యజమానులకు అర్థమయ్యేలా వివరించడం తన వృత్తి. భావన తన కార్పొరేట్ కొలువు వదిలి ఈ రంగంలోకి వచ్చారు.
భావనకు చిన్నప్పటి నుంచి కుక్కలంటే చాలా ఇష్టం. కానీ తల్లిదండ్రులు వాటిని ఇంట్లోకి రానిచ్చేవారు కాదు. తన కెరీర్ మొదలయ్యాక.. రెండు కుక్కల్ని పెంచుకోవడం మొదలుపెట్టారు భావన. వాటిలో ఒకటి జబ్బు పడినప్పుడు, దాన్ని చూసుకునేందుకు ఉద్యోగం మానేశారు. ఆ తర్వాత, శునకాల మీద ప్రేమతో పెట్ కన్సల్టెన్సీ ప్రారంభించారు. దాదాపు 64 వేల మంది ఇన్స్టా ద్వారా తన సలహాలు వింటున్నారు.