ఫోర్బ్స్‌ బిలియనీర్‌గా 91 ఏండ్ల జాస్తి సుబ్బమ్మ

భారతదేశ అత్యంత వృద్ధ మహిళా బిలియనీర్‌గా జాస్తి సుబ్బమ్మ రికార్డు సృష్టించారు. పోయిన నెలలో ఫోర్బ్స్‌ జాబితాలోకి అడుగుపెట్టిన సుబ్బమ్మ.. ప్రస్తుత నికర సంపద సుమారు రూ.91.9 వేల కోట్లు (1.1 బిలియన్‌ డాలర్లు).

భారతదేశ అత్యంత వృద్ధ మహిళా బిలియనీర్‌గా జాస్తి సుబ్బమ్మ రికార్డు సృష్టించారు. పోయిన నెలలో ఫోర్బ్స్‌ జాబితాలోకి అడుగుపెట్టిన సుబ్బమ్మ.. ప్రస్తుత నికర సంపద సుమారు రూ.91.9 వేల కోట్లు (1.1 బిలియన్‌ డాలర్లు). ఆమె భర్త జాస్తి సుబ్బారావు గతేడాది ఫిబ్రవరిలో మరణించారు. దీంతో ఆయన పేరు మీద ఉన్న ఆస్తులు కూడా సుబ్బమ్మ పేరు మీదకు బదిలీ అయ్యాయి. దీంతో ఆమెకు ఫోర్బ్స్‌ జాబితాలో చోటు దక్కింది.

సువెన్‌ ఫార్మాస్యుటికల్స్‌ సంస్థ సహ వ్యవస్థాపకుల్లో ఒకరైన జాస్తి వేంకటేశ్వర్లు సుబ్బమ్మ తనయుడు కావడం విశేషం. 2022లో సువెన్‌ ఫార్మాస్యుటికల్స్‌లోని గ్లోబల్‌ ప్రైవేట్‌ ఈక్విటీ సంస్థ.. అడ్వెంట్‌ ఇంటర్నేషనల్‌కు తమ వాటాను విక్రయించింది. ఇందులో పెద్దమొత్తం సుబ్బమ్మకు వచ్చినట్టు ఫోర్బ్స్‌ వెల్లడించింది. మొత్తంగా ప్రపంచ బిలియనీర్ల జాబితాలో సుబ్బమ్మ 2,653వ స్థానంలో ఉంది. ఇక భారతీయ బిలియనీర్లలో సావిత్రి జిందాల్‌ 34.9 బిలియన్‌ డాలర్ల నికర సంపదతో అగ్రస్థానంలో ఉన్నారు.