ఈఎంసిలో ఘనంగా బతుకమ్మ వేడుకలు

ఏదులాపురం మున్సిపాలిటీ పరిధిలోని ఆయా వార్డులలో ఎంగిలిపూల‌ బతుకమ్మ వేడుకలు శ‌నివారం ఘనంగా నిర్వ‌హించారు. బతుకమ్మలతో కాలనీ ప్రధాన సెంటర్ల వద్ద ఆటపాట కార్యక్రమం నిర్వహించారు. 23వ వార్డు ఇందిరమ్మ కాలనీలో జరిగిన...

– హాజరైన మున్సిప‌ల్ చైర్‌ప‌ర్స‌న్ పి.అనిత

ఖమ్మం రూరల్, అక్టోబ‌ర్ 10 : ఏదులాపురం మున్సిపాలిటీ పరిధిలోని ఆయా వార్డులలో ఎంగిలిపూల‌ బతుకమ్మ వేడుకలు శ‌నివారం ఘనంగా నిర్వ‌హించారు. బతుకమ్మలతో కాలనీ ప్రధాన సెంటర్ల వద్ద ఆటపాట కార్యక్రమం నిర్వహించారు. 23వ వార్డు ఇందిరమ్మ కాలనీలో జరిగిన వేడుకలకు ఈఎంసి చైర్‌ప‌ర్స‌న్ పోకబత్తిని అనిత ముఖ్య అతిథిగా హాజరయ్యారు. తొలుత స్థానిక మహిళలతో కలిసి బతుకమ్మల వద్ద తులసి చెట్టును నాటి ప్రత్యేక పూజలు నిర్వహించారు. అనంతరం మహిళలతో కలిసి బతుకమ్మ ఆటపాట కార్యక్రమంలో పాల్గొని నృత్యాలు చేశారు. ఈ సందర్భంగా చైర్‌ప‌ర్స‌న్ మహిళలకు బతుకమ్మ పండుగ శుభాకాంక్షలు తెలిపారు.