సారపాకలో పోలీస్ ఔట్‌పోస్ట్ ఏర్పాటు చేయాల‌ని ఎస్పీకి వినతి

పారిశ్రామికవాడగా పిలవబడుతున్న సారపాక మేజర్ పంచాయతీలో పోలీస్ ఔట్ పోస్టు ఏర్పాటు చేయాలని జిల్లా ఎస్పీ రోహిత్ రాజును సర్పంచ్ గుగులోత్ కిశోర్‌నాయ‌క్ గురువారం ఎస్పీ కార్యాలయంలో మర్యాదపూర్వకంగా కలిసి వినతిపత్రం అందజేశారు.

బూర్గంపహాడ్, నవంబర్ 12 : పారిశ్రామికవాడగా పిలవబడుతున్న సారపాక మేజర్ పంచాయతీలో పోలీస్ ఔట్ పోస్టు ఏర్పాటు చేయాలని జిల్లా ఎస్పీ రోహిత్ రాజును సర్పంచ్ గుగులోత్ కిశోర్‌నాయ‌క్ గురువారం ఎస్పీ కార్యాలయంలో మర్యాదపూర్వకంగా కలిసి వినతిపత్రం అందజేశారు. మేజర్ పంచాయతీ సారపాకలో పోలీస్ ఔట్‌పోస్టు గత కొన్నేళ్లుగా లేకపోవడంతో ఈ ప్రాంత ప్రజలు ఔట్ పోస్టు ఏర్పాటు చేయాలని ఎప్పటినుండో కోరుతుండడంతో ప్రజల ఆకాంక్ష. వారి ఇబ్బందుల మేరకు సర్పంచ్ ప్రత్యేక చొరవ చూపి ఔట్ పోస్టు ఏర్పాటు ప్రతిపాదనను ఎస్పీ దృష్టికి తీసుకువెళ్లారు. దీనికి ఎస్పీ సానుకూలంగా స్పందించి త్వరలోనే సారపాక ప్రాంతాన్ని పరిశీలిస్తానని, ఆ తర్వాత అక్కడ పోలీస్ ఔట్ పోస్టు ఏర్పాటుకు చ‌ర్యలు తీసుకుంటామ‌ని తెలిపిన‌ట్లు సర్పంచ్ తెలిపారు.