Rain : భద్రాద్రి జిల్లాలో ఎడతెరిపి లేని వర్షం.. నిలిచిన బొగ్గు ఉత్పత్తి

Rain : బంగాళాఖాతంలో ఏర్పడిన ఉపరితల ఆవర్తనం కారణంగా భద్రాద్రి కొత్తగూడెం జిల్లాలో ఎడతెరిపి లేని వర్షం కురుస్తున్నది. వర్షం వల్ల ఉపరితల గనుల్లో బొగ్గు ఉత్పత్తి నిలిచిపోయింది.

భద్రాద్రి కొత్తగూడెం : బంగాళాఖాతంలో ఏర్పడిన ఉపరితల ఆవర్తనం కారణంగా భద్రాద్రి కొత్తగూడెం జిల్లాలో ఎడతెరిపి లేని వర్షం కురుస్తున్నది. వర్షం వల్ల ఉపరితల గనుల్లో బొగ్గు ఉత్పత్తి నిలిచిపోయింది. 5 వేల టన్నుల బొగ్గు ఉత్పత్తి నిలిచిపోయిందని అధికారులు తెలిపారు. భద్రాద్రి కొత్తగూడెం జిల్లాలో గడిచిన 24 గంటలుగా ఎడతెరిపి లేని ముసురు కురుస్తున్నది. కిన్నెరసాని, తాలిపేరు, సింగభూపాలం, మూకమామిడి, పెద్దవాగు ప్రాజెక్టులకు వరద పోటెత్తుతున్నది. జిల్లాలో సగటున 32.5మీల్లిమీటర్ల వర్షపాతం నమోదైంది. కొత్తగూడెం మండలంలో అత్యధికంగా 68.2 మి.మీ వర్షం కురిసింది. వర్షం కారణంగా వాగులు, వంకలు పొంగిపొర్లుతుండటంతో పలు గ్రామాలకు రాకపోకలు స్తంభించాయి. వాహనదారులు, ప్రయాణికులు తీవ్ర అవస్థలు పడుతున్నారు.