రవిచంద్ర కుటుంబానికి మాజీ ఎమ్మెల్యే రేగా పరామర్శ‌

కరకగూడెం మండలంలోని కలవల నాగారం గ్రామ సమీపంలో బాధావత్ రవిచంద్ర (26) దారుణ హత్య సోమవారం మండలంలో కలకలం రేపింది. మంగళవారం కలవల నాగారం గ్రామంలో రవిచంద్ర కుటుంబ సభ్యులను పినపాక మాజీ ఎమ్మెల్యే రేగా కాంతారావు ప్రమర్శించి...

కరకగూడెం, అక్టోబ‌ర్ 13 : కరకగూడెం మండలంలోని కలవల నాగారం గ్రామ సమీపంలో బాధావత్ రవిచంద్ర (26) దారుణ హత్య సోమవారం మండలంలో కలకలం రేపింది. మంగళవారం కలవల నాగారం గ్రామంలో రవిచంద్ర కుటుంబ సభ్యులను పినపాక మాజీ ఎమ్మెల్యే రేగా కాంతారావు ప్రమర్శించి ఓదార్చారు. కుటుంబానికి ప్రగాఢ సానుభూతి తెలియజేశారు. ఈ క్లిష్ట సమయంలో కుటుంబానికి అండగా ఉంటామని భరోసా కల్పించారు. రవిచంద్ర హత్య వెనుక ఉన్న నిజ నిజాలను నిగ్గు తేల్చాలని, ఈ అఘాయిత్యానికి పాల్పడిన నిందితులను వెంటనే అరెస్టు చేసి కఠినంగా శిక్షించాలని ఆయన డిమాండ్ చేశారు. ఇలాంటి ఘటనలు పునరావృతం కాకుండా పోలీస్ యంత్రాంగం కఠిన చర్యలు తీసుకోవాలని కోరారు. ఆయన వెంట బీఆర్ఎస్ మండల నాయకులు ఉన్నారు.