సర్పంచ్ నవీన్ కుటుంబానికి మాజీ ఎమ్మెల్యే చంద్రావతి ప‌రామ‌ర్శ‌

కారు డోర్ లాక్ అయి ప్రాణాలు కోల్పోయిన వినోబా నగర్ గ్రామ సర్పంచ్ గంగావత్ నవీన్ కుమార్తె, చిన్నారి 'తన్వితశ్రీ' మృతి అత్యంత బాధాకరమని వైరా మాజీ ఎమ్మెల్యే డాక్టర్ బానోత్ చంద్రావతి తీవ్ర దిగ్భ్రాంతి వ్యక్తం చేశారు. జూలూరుపాడు మండల పరిధిలోని...

– చిన్నారి తన్వితశ్రీ మృతి పట్ల ప్రగాఢ సానుభూతి
– అండగా ఉంటామని భరోసా

జూలూరుపాడు, సెప్టెంబర్ 21 : ​కారు డోర్ లాక్ అయి ప్రాణాలు కోల్పోయిన వినోబా నగర్ గ్రామ సర్పంచ్ గంగావత్ నవీన్ కుమార్తె, చిన్నారి ‘తన్వితశ్రీ’ మృతి అత్యంత బాధాకరమని వైరా మాజీ ఎమ్మెల్యే డాక్టర్ బానోత్ చంద్రావతి తీవ్ర దిగ్భ్రాంతి వ్యక్తం చేశారు. జూలూరుపాడు మండల పరిధిలోని వినోబా నగర్ గ్రామంలోని సర్పంచ్ నవీన్ నివాసానికి వెళ్లిన ఆమె బాధిత కుటుంబ సభ్యులను పరామర్శించి, చిన్నారి అకాల మృతి పట్ల తన ప్రగాఢ సానుభూతిని తెలియజేశారు. ​ఈ సందర్భంగా కన్నీటి పర్యంతమైన కుటుంబ సభ్యులను ఆమె ఓదార్చారు. అనంతరం ఆమె మాట్లాడుతూ.. ఇలాంటి ఊహించని విషాద సమయంలో కన్నవారిని మాటలతో ఓదార్చడం ఎవరికైనా కష్టమే అన్నారు.

పసిబిడ్డను కోల్పోయిన ఆ తల్లిదండ్రుల గర్భశోకం వర్ణనాతీతం అని, ఈ తీరని శోకాన్ని తట్టుకునే గుండె ధైర్యాన్ని భగవంతుడు ఆ కుటుంబ సభ్యులకు ప్రసాదించాలని మనస్ఫూర్తిగా కోరుకుంటున్నట్లు పేర్కొన్నారు. ఈ కష్టకాలంలో ఆ కుటుంబానికి అన్ని విధాలా అండగా ఉంటా అని భరోసా ఇచ్చారు. అనంతరం ఇటీవల అనారోగ్యంతో హైదరాబాద్ ఆస్ప‌త్రిలో చికిత్స పొందిన అన్నారుపాడు సర్పంచ్ భూక్యా ప్రసాదును వారి గ్రామానికి వెళ్లి పరామర్శించారు. ఆయన ఆరోగ్య పరిస్థితిని అడిగి తెలుసుకున్నారు. ఈ కార్యక్ర‌మంలో నాయకులు నగేశ్, గంగావత్ గోరియా, బానోత్ రవి, గంగావత్ లింగ, భూక్యా చందు, మాలోత్ నాగేశ్వరరావు, గంగావత్ రవి, గంగావత్ నరేంద్ర, గంగావత్ ప్రసాద్, బానోత్ రామ, బానోత్ పంతులు, బానోత్ నాన్య పాల్గొన్నారు.