ఆరోగ్య కార్యక్రమాల అమలుపై సిబ్బందికి డీఎంహెచ్‌ఓ తుకారం రాథోడ్ సూచనలు

చుంచుపల్లి మండలం పెనగడప వైద్య ఆరోగ్య కేంద్రాన్ని శనివారం డిప్యూటీ డీఎంహెచ్‌ఓ డాక్టర్ ప్రతాప్‌తో కలిసి జిల్లా వైద్య ఆరోగ్యశాఖ అధికారి (DM&HO) డాక్టర్ తుకారం రాథోడ్ ప‌రిశీలించి విస్తృతంగా తనిఖీ చేశారు. ఈ సందర్భంగా...

– పెనగడప వైద్య కేంద్రం ఆక‌స్మిక తనిఖీ

చుంచుపల్లి, ఆగ‌స్టు 22 : చుంచుపల్లి మండలం పెనగడప వైద్య ఆరోగ్య కేంద్రాన్ని శనివారం డిప్యూటీ డీఎంహెచ్‌ఓ డాక్టర్ ప్రతాప్‌తో కలిసి జిల్లా వైద్య ఆరోగ్యశాఖ అధికారి (DM&HO) డాక్టర్ తుకారం రాథోడ్ ప‌రిశీలించి విస్తృతంగా తనిఖీ చేశారు. ఈ సందర్భంగా ఆస్ప‌త్రిలోని ప్రయోగశాల, ఫార్మసీ, వార్డు, ఐఎల్‌ఆర్‌ (ILR) తదితర విభాగాలను పరిశీలించారు. రికార్డులు, హాజరు రిజిస్టర్, సెలవు వివరాలు, వివిధ లేఖలు తదితర పత్రాలను పరిశీలించి సిబ్బందికి పలు సూచనలు చేశారు. అన్ని జాతీయ ఆరోగ్య కార్యక్రమాలను సమర్థవంతంగా అమలు చేయాలని, ప్రజలకు మెరుగైన వైద్య సేవలు అందించేందుకు సిబ్బంది సమన్వయంతో పని చేయాలని సూచించారు. అనంతరం పెనగడప గ్రామంలో నిర్వహించిన దోమల నివారణ మందు పిచికారీ కార్యక్రమంలో అధికారులు, వైద్య సిబ్బంది పాల్గొన్నారు. సీజనల్ వ్యాధుల నివారణకు గ్రామాల్లో పారిశుధ్యం, దోమల నియంత్రణ చర్యలు నిరంతరం చేపట్టాలని సూచించారు. ఈ కార్యక్రమంలో పెనగడప వైద్య ఆరోగ్య కేంద్రం వైద్య సిబ్బంది, ఇతర సిబ్బంది పాల్గొన్నారు.