Chinna Mulkanoor village | చిన్న ముల్కనూరులో నీటి ఎద్దడిపై మహిళల నిరసన

Chinna Mulkanoor | చిగురుమామిడి, జూలై 6: చిగురుమామిడి మండలంలోని చిన్న ముల్కనూరు గ్రామంలో ఉన్న‌ నాలుగో వార్డులో గత పది రోజులుగా నెలకొన్న తీవ్ర నీటి సమస్యతో మహిళలు తీవ్ర ఇబ్బందులు పడుతున్నారు.

Chinna Mulkanoor village | చిగురుమామిడి, జూలై 6: చిగురుమామిడి మండలంలోని చిన్న ముల్కనూరు గ్రామంలో ఉన్న‌ నాలుగో వార్డులో గత పది రోజులుగా నెలకొన్న తీవ్ర నీటి సమస్యతో మహిళలు తీవ్ర ఇబ్బందులు పడుతున్నారు. నీటి ఎద్దడిపై పలుమార్లు గ్రామ పంచాయతీకి ఫిర్యాదు చేసినా, సమస్యకు శాశ్వత పరిష్కారం లభించడం లేదని మహిళలు ఆవేదన వ్యక్తం చేశారు. నీటి ఎద్దడి తీవ్రం కావడంతో, ఆదివారం ఉదయం ఖాళీ బిందెలతో మహిళలు నిరసన వ్యక్తం చేశారు. ఈ సందర్భంగా నిరసనకారులు మాట్లాడుతూ, తక్షణమే తమ ప్రాంతానికి నీటి సరఫరాను పునరుద్ధరించాలని డిమాండ్ చేశారు.

దీనిపై గ్రామ పంచాయతీ కార్యదర్శి స్వప్న స్పందించారు. నీటి ఎద్దడి సమస్యలకు ప్రత్యామ్నాయంగా ప్రస్తుతం ట్రాక్టర్ ట్యాంకర్ల ద్వారా నీటిని సరఫరా చేస్తున్నామని ఆమె తెలిపారు. అలాగే, ఈ సమస్యకు శాశ్వత పరిష్కారం దిశగా పనులు చేపడుతున్నామని ఆమె హామీ ఇచ్చారు. ఈ నిరసన కార్యక్రమంలో రంగు పద్మ, పైడిపల్లి రేణుక, మల్లవ్వ తదితరులు పాల్గొన్నారు.