Watch: పార్కులో జంటపై ముస్లిం బాలురు దాడి.. తర్వాత ఏం జరిగిందంటే?
Muslim Boys Assault Couple In Mumbai Park | ఒక పార్కులో ఉన్న జంటపై ముస్లిం బాలురు దాడికి పాల్పడ్డారు. వారిని వేధించడంతో పాటు యువతితో పాటు ఉన్న వ్యక్తిని కొట్టారు. ఈ వీడియో క్లిప్ సోషల్ మీడియాలో వైరల్ అయ్యింది. దీంతో ఆ ముస్లిం బాలురపై పోలీసులు చర్యలు చేపట్టారు.
ముంబై: ఒక పార్కులో ఉన్న జంటపై ముస్లిం బాలురు దాడికి పాల్పడ్డారు. వారిని వేధించడంతో పాటు యువతితో పాటు ఉన్న వ్యక్తిని కొట్టారు. ఈ వీడియో క్లిప్ సోషల్ మీడియాలో వైరల్ అయ్యింది. దీంతో ఆ ముస్లిం బాలురపై పోలీసులు చర్యలు చేపట్టారు. మహారాష్ట్ర రాజధాని ముంబైలో ఈ సంఘటన జరిగింది. (Muslim Boys Assault Couple In Mumbai Park) నవంబర్ 20న ముంబైలోని కుర్లా వెస్ట్లో ఫీనిక్స్ మాల్ వెనుక ఉన్న ప్రమోద్ మహాజన్ గార్డెన్లో యువతి, యువకుడు ఫొటోలు తీసుకుంటున్నారు. సుమారు పది మంది ముస్లిం మైనర్ బాలురు ఆ జంటను వేధించారు. వారిపై దాడి చేశారు. యువతితో పాటు ఉన్న వ్యక్తిపై పంచ్లు ఇవ్వడంతో పాటు కర్రలతో కొట్టారు. ఆ వ్యక్తితో ఉన్న మహిళ ఈ దాడిని ఆపేందుకు ప్రయత్నించింది. చివరకు ఆ జంట అక్కడి నుంచి వెళ్లిపోయారు.
కాగా, ఈ విషయం తెలిసిన వెంటనే బజరంగ్ దళ్ కార్యకర్తలు ఆ పార్క్ వద్దకు చేరుకున్నారు. ఈ సంఘటనకు వ్యతిరేకంగా నిరసన తెలిపారు. పార్కును నిర్వహిస్తున్న బృహన్ ముంబై మున్సిపల్ కార్పొరేషన్ (బీఎంసీ)పై మండిపడ్డారు. సందర్శకులకు తగిన భద్రత కల్పించలేనప్పుడు ఈ పార్కును ఎందుకు తెరిచారని వారు ప్రశ్నించారు. భద్రతా సమస్యలను పరిష్కరించడంలో విఫలమైతే తామే స్వయంగా రంగంలోకి దిగుతామని బజరంగ్ దళ్ కార్యకర్తలు హెచ్చరించారు.
మరోవైపు బీజేపీ నాయకుడు కిరీట్ సోమయ్య ఈ వీడియో క్లిప్ను సోషల్ మీడియాలో షేర్ చేశారు. హిందూ జంటపై ముస్లిం బాలురు దాడి చేసినట్లు ఆయన ఆరోపించారు. ‘ముస్లిం దుండగుల చర్య’ అని ఎక్స్ పోస్ట్లో పేర్కొన్నారు.
అయితే ఈ సంఘటనపై పోలీసులు స్పందించారు. పార్క్లో జంటపై దాడి చేసిన ముస్లిం మైనర్ బాలురను గుర్తించి అదుపులోకి తీసుకున్నారు. వారిపై పలు సెక్షన్ల కింద కేసు నమోదు చేసినట్లు పోలీస్ అధికారి తెలిపారు. నిందితులను బాల నేరస్థుల న్యాయ మండలి (జువెనైల్ జస్టిస్ బోర్డు) ముందు హాజరుపరిచి చట్టపరంగా కఠిన చర్యలు తీసుకుంటామని చెప్పారు.
ఆ పిల్లల తల్లిదండ్రులకు కూడా నోటీసులు జారీ చేసినట్లు పోలీస్ అధికారి వివరించారు. బహిరంగ ప్రదేశాల్లో పౌరులను వేధించే వారిని ఎట్టి పరిస్థితుల్లోనూ వదిలిపెట్టబోమని హెచ్చరించారు. కాగా, పార్కులో ఉన్న జంటపై ముస్లిం బాలురు దాడి చేసిన ఈ వీడియో క్లిప్ సోషల్ మీడియాలో వైరల్ అయ్యింది.
A group of Muslim boys confronting and surrounding a single boy and girl, with physical pushing and arguments at a public garden behind Phoenix Mall in Chirag Nagar, Mumbai.😳 https://t.co/iXUUayzIO0
— subash kumar (@Krishan10_) November 20, 2026
Read Today's Latest National News in Telugu and Telugu News
- Tags
RELATED ARTICLES
తాజా వార్తలు
Watch: పార్కులో జంటపై ముస్లిం బాలురు దాడి.. తర్వాత ఏం జరిగిందంటే?
Jana Chaitanya Sabha | జన చైతన్య సభను జయప్రదం చేయాలి : బీఆర్ఎస్ నాయకుల పిలుపు
Crime News | హంతకుడిని పట్టించిన బంగారు ఉంగరం.. ఎలాగంటే..!
Mahesh Bigala | ఐక్యంగా దీక్షా దివస్ను నిర్వహించాలి.. బీఆర్ఎస్ ఎన్నారై ప్రతినిధులకు మహేశ్ బిగాల పిలుపు
OTTReleases | ఈ వీకెండ్ ఓటీటీలోకి వచ్చిన కొత్త సినిమాలు, వెబ్ సిరీస్లివే!
ట్రెండింగ్ వార్తలు
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video

