దళారులను నమ్మి రైతులు మోసపోవద్దు : విజయ రమణారావు

రైతులు ఆరుగాలం కష్టపడి పండించిన వరి ధాన్యాన్ని దళారులను నమ్మి మోసపోవద్ద ని ప్రభుత్వ విప్పు, పెద్దపల్లి ఎమ్మెల్యే చింతకుంట విజయ రమణారావు అన్నారు.

సుల్తానాబాద్ రూరల్ నవంబర్ 03: రైతులు ఆరుగాలం కష్టపడి పండించిన వరి ధాన్యాన్ని దళారులను నమ్మి మోసపోవద్ద ని ప్రభుత్వ విప్పు, పెద్దపల్లి ఎమ్మెల్యే చింతకుంట విజయ రమణారావు అన్నారు. పెద్దపెల్లి జిల్లా సుల్తానాబాద్ మండలంలోని సుద్దాల ప్రాథమిక వ్యవసాయ సహకార సంఘం ఆధ్వర్యంలో బుధవారం సుద్దాల, అల్లిపూర్ గ్రామాల్లో ఏర్పాటు చేసిన వారి ధాన్యం కొనుగోలు కేంద్రాల ప్రారంభోత్సవ కార్యక్రమానికి ఎమ్మెల్యే హాజరై ప్రారంభించారు.

ఈ సందర్భంగా ఎమ్మెల్యే మాట్లాడుతూ.. రాబోయే రోజుల్లో భూగర్భ జలాలు అడుగంటి పోయి సాగునీటికి ఇబ్బందులు తలెత్తే అవకాశం ఉందన్నారు. రైతులు ఆరుతడి పంటలపై దృష్టి పెట్టాలని సూచించారు. ఈ కార్యక్రమంలో ఏఎంసీ చైర్మన్ మినుపాల ప్రకాష్ రావు సింగిల్ విండో చైర్మన్లు. అనేడి భాస్కర్ రెడ్డి, చిలుక సతీష్, సర్పంచులు ఓజా సంపత్ యాదవ్, కోదాటి సాయి కిరణ్, నాయకులు. అనంత రెడ్డి, దామోదర్ రావు, రాజిరెడ్డి, మోహన్ రెడ్డి, సంపత్, సీఈవో సతీష్, పిఎసిఎస్ పాలకవర్గ సభ్యులు, రైతులు, తదితరులున్నారు.