Karimnagar | కరీంనగర్ నుంచి వరంగల్ కు నాన్ స్టాప్ ఆర్టీసీ బస్ సర్వీసులు

కరీంనగర్ నుంచి వరంగల్ వరకు జాతీయ రహదారి ఎన్ హెచ్ 563 నిర్మాణం పూర్తి అయింది. దీంతో కరీంనగర్‌ నుంచి వరంగల్‌కు నాన్‌స్టాప్‌ బస్సు సర్వీసులను నడపనున్నట్లు కరీంనగర్‌-2 డిపో మేనేజర్‌ రవీంద్రనాథ్‌ తెలిపారు.

Karimnagar | తెలంగాణ చౌక్, నవంబర్ 1 : కరీంనగర్ నుంచి వరంగల్ వరకు జాతీయ రహదారి ఎన్ హెచ్ 563 నిర్మాణం పూర్తి అయింది. దీంతో కరీంనగర్‌ నుంచి వరంగల్‌కు నాన్‌స్టాప్‌ బస్సు సర్వీసులను నడపనున్నట్లు కరీంనగర్‌-2 డిపో మేనేజర్‌ రవీంద్రనాథ్‌ తెలిపారు. ఈ మేరకు ఆయన ఆదివారం ఒక ప్రకటన విడుదల చేశారు. ప్రయాణికుల కోరిక మేరకు కరీంనగర్ నుంచి వరంగల్ కు నాన్ స్టాప్ బస్ లను వారి సౌకర్యార్థం నడిపించాలని నిర్ణయించినట్లు వివరించారు. కాగా సోమవారం నుంచి కరీంనగర్-వరంగల్ వరకు ఎలక్ట్రిక్ (ఈ వీ) డీలక్స్ బస్సు లను నడిపించనున్నారు. ఉదయం 7.15 నిమిషాలకు, 8 గంటలకు, మళ్లీ 8.30గంటలకు, 9.00 గంటలకు నాలుగు బస్ లు నడుస్తాయని వివరించారు. ఈ బస్సు సర్వీసులు ప్రతీ రోజూ ఒక్క బస్ మూడు ట్రీప్ లు తిరుగనున్నట్లు పేర్కొన్నారు.

మార్గ మధ్య లో కేశవ పట్నం, హుజురాబాద్, ఎలకతుర్తి, హాసన్ పర్తిలో ఈ బస్సులు ఆగవని, నేరుగా మొదటి ట్రిప్ వరంగల్ వరకు, తరువాత ట్రిప్ లు హనుమకొండ వరకు నడుస్తాయని డీఎం తెలిపారు. టికెట్ చార్జీలో ఎలాంటి మార్పు ఉండదన్నారు. యథావిధిగా చెల్లించే టికెట్ చార్జీ రూ.150 చెల్లించాల్సి ఉంటుందని పేర్కొన్నారు. ఆర్టీసీ కలిపిస్తున్న ఈ సౌర్యాన్ని ప్రయాణికులు సద్వినియోగం చేసుకోవాలని డీఎం కోరారు. కాగా కరీంనగర్ నుంచి వరంగల్ మధ్య ముఖ్య పట్టణం హుజురాబాద్ లో నాన్ స్టాఫ్ బస్ ఆపాలని పట్టణ వాసులు కోరుతున్నారని, నిత్యం హుజురాబాద్ నుంచి జిల్లా కేంద్రం కరీంనగర్ కు అలాగే వ్యాపార, విద్య అవసరాల కోసం వరంగల్ కు రాక పోకలు కొనసాగించే ప్రయాణాలకు సౌకర్యంగా ఉంటుందని ప్రజలు కోరుకుంటున్నారు.