కేటీఆర్‌, కౌశిక్‌రెడ్డి ప్రమాణస్వీకారం

ఇటీవలి ఎన్నికల్లో బీఆర్‌ఎస్‌ నుంచి సిరిసిల్ల, హుజూరాబాద్‌ నియోజకవర్గాల్లో ఎమ్మెల్యేలుగా విజయం సాధించిన పార్టీ వర్కింగ్‌ ప్రెసిడెంట్‌ కల్వకుంట్ల తారకరామారావు, పాడి కౌశిక్‌రెడ్డి గురువారం అసెంబ్లీలో ప్రమాణ స్వీకారం చేశారు.

ఇటీవలి ఎన్నికల్లో బీఆర్‌ఎస్‌ నుంచి సిరిసిల్ల, హుజూరాబాద్‌ నియోజకవర్గాల్లో ఎమ్మెల్యేలుగా విజయం సాధించిన పార్టీ వర్కింగ్‌ ప్రెసిడెంట్‌ కల్వకుంట్ల తారకరామారావు, పాడి కౌశిక్‌రెడ్డి గురువారం అసెంబ్లీలో ప్రమాణ స్వీకారం చేశారు. తెలంగాణ రోల్‌మాడల్‌గా, ప్రపంచ దేశాల్లో ఖ్యాతి చాటిన కేటీఆర్‌ ఐదోసారి ఎమ్మెల్యేగా ప్రమాణ స్వీకారం చేయడంపై నియోజకవర్గ ప్రజలు ఆనందం వ్యక్తం చేశారు.

ఈ సందర్భంగా పలువురు ఆయనకు అభినందనలు తెలిపారు. ప్రమాణ స్వీకారం కోసం స్పీకర్‌ హుజూరాబాద్‌ ఎమ్మెల్యే పాడి కౌశిక్‌రెడ్డి పేరు పిలవగానే గ్యాలరీలో కూర్చున్న ఆయన కూతురు శ్రీనికారెడ్డి ‘ఐ లవ్‌ యూ డాడీ’ అంటూ పెద్దగా అరచి తన ప్రేమను వ్యక్తపరిచింది.

– సిరిసిల్ల/ హుజూరాబాద్‌టౌన్‌, డిసెంబర్‌14