Visit:
Veenavanka | వీణవంక, మార్చి 9 : వీణవంక మండల కేంద్రంలోని స్థానిక బీసీ కాలనీలో మహిళా సంఘ భవన నిర్మాణానికి సర్పంచ్ దాసారపు సరోజన-రాజేంద్రప్రసాద్ సోమవారం శంకుస్థాపన చేశారు. ప్రభుత్వం వెలుగుబాట వీవో సభ్యులకు భవనం నిర్మించుకోవడానికి రూ.10 లక్షలు మంజూరు చేసింది. కాగా సర్పంచ్, పాలకవర్గ సభ్యులు, ఐకేపీ సిబ్బంది తో పాటు మహిళా సంఘ సభ్యులు భూమి పూజ చేశారు.
మహిళా సంఘ సభ్యులు సమావేశాలు ఏర్పాటు చేసుకోవడానికి భవన నిర్మాణం చేపట్టనున్నట్లు, మహిళలు సద్వినియోగం చేసుకొని అభివృద్ధి చెందాలని ఈ సందర్భంగా సర్పంచ్ సరోజన అన్నారు. ఈ కార్యక్రమంలో ఉపసర్పంచ్ తాళ్ళపెల్లి మహేశ్ గౌడ్, ఏపీఎం సుధాకర్, పీఆర్ఎఈ లోహిత్రెడ్డి, పాలకవర్గ సభ్యులు, సీసీలు ఆనంద్, ఘనశ్యాం, వీవోల అధ్యక్షులు, వీవోఏలు తదితరులు పాల్గొన్నారు.
