Visit:
కరీంనగర్ కమాన్ చౌరస్తా : పీడీఎస్‌యూ( PDSU ) ఉమ్మడి కరీంనగర్ జిల్లా అధ్యక్ష, కార్యదర్శులుగా లోకిని రమేశ్, కూతాటి రాణాప్రతాప్ ఏకగ్రీవంగా ఎన్నికయ్యారు. పీడీఎస్‌యూ 4వ మహా సభల అనంతరం ఉమ్మడి కరీంనగర్ జిల్లా నూతన కమిటీని ప్రతినిధులు ఏకగ్రీవంగా ఎన్నుకున్నారు.
ఉపాధ్యక్షులుగా కెంసారపు రవి తేజ, అంగడి దేవేందర్, ఎండీ అస్లామ్, జిల్లా సహాయ కార్యదర్శిగా మేదొడ్డి అజయ్, బుసారపు దిలీప్, జిల్లా కోశాధికారి కొయ్యడ రాకేశ్‌తో పాటు 19 మందిని కమిటీ సభ్యులుగా ఎన్నుకున్నట్లు పీడీఎస్‌యూ జాతీయ నాయకులు పి.మహేశ్, రాష్ట్ర అధ్యక్షుడు ఎస్వీ శ్రీకాంత్, రాష్ట్ర ప్రధాన కార్యదర్శి పొడపంగి నాగరాజు తెలిపారు.
ఈ సందర్భంగా నూతన జిల్లా అధ్యక్ష, కార్యదర్శులు రమేశ్, రాణాప్రతాప్ మాట్లాడుతూ పెండింగ్ ఫీజు రీయింబర్సుమెంట్, స్కాలర్‌షిప్‌ను వెంటనే విడుదల చేయాలని డిమాండ్ చేశారు. ప్రైవేట్ విద్యాసంస్థల్లో జరుగుతున్న ఫీజుల దోపిడీని అరికట్టాలని డిమాండ్ చేశారు.
విద్యారంగ సమస్యల పరిష్కారానికి పోరాడుతూ జిల్లాలో పీడీఎస్‌యూను మరింత బలోపేతం చేసేందుకు కృషిచేస్తామని ప్రకటించారు. ఈ కార్యక్రమంలో జిల్లా కమిటీ సభ్యులు మొలుగూరి రాజేశ్, లక్ష్మన్, బొతుకూరి చందు, పొడి శెట్టి అశోక్, కుర్ర అజయ్, సుంకరి హర్షవర్ధన్ పాల్గొన్నారు.
