Vemulawada | సిరిసిల్ల జిల్లాలో బీఆర్ఎస్ కార్యకర్తపై కాంగ్రెస్ సర్పంచ్ దాడి

రాజన్న సిరిసిల్ల జిల్లా వేములవాడ రూరల్ మండలం వట్టెంల గ్రామానికి చెందిన బీఆర్ఎస్ కార్యకర్త రత్నాకర్ రెడ్డిపై కాంగ్రెస్ సర్పంచ్ రంగు వెంకటేష్ తో పాటు అతని అనుచరులు దాడి చేసి గాయపరిచారు.

Vemulawada | వేములవాడ రూరల్, అక్టోబర్ 23 : రాజన్న సిరిసిల్ల జిల్లా వేములవాడ రూరల్ మండలం వట్టెంల గ్రామానికి చెందిన బీఆర్ఎస్ కార్యకర్త రత్నాకర్ రెడ్డిపై కాంగ్రెస్ సర్పంచ్ రంగు వెంకటేష్ తో పాటు అతని అనుచరులు దాడి చేసి గాయపరిచారు. బాధితుడు రత్నాకర్ రెడ్డి కతనం ప్రకారం.. గత కొన్ని రోజుల క్రితం సర్పంచ్ వెంకటేశ్‌కు చెందిన జేసీబీని తాను పట్టించానని సర్పంచ్‌ తనపై కోపం పెంచుకున్నాడు.

కాగా గ్రామంలో నేను ఒంటరిగా ఉన్న సమయంలో సర్పంచ్ వెంకటేష్ తన అనుచరులతో కలిసి శుక్రవారం దాడి చేయగా తీవ్ర గాయాలయ్యాయి. దీంతో బాధితుడు వేములవాడ రూరల్ పోలీస్ స్టేషన్లో ఫిర్యాదు చేశారు. కక్షతో తనపై దాడి చేసిన సర్పంచ్ వెంకటేష్ గౌడ్ తో పాటు తన అనుచరులపై చర్యలు తీసుకోవాలని పోలీసులకు ఫిర్యాదు చేశారు.