Vemulawada | విద్యార్థులను నిరుద్యోగులు నిండా ముంచిన కాంగ్రెస్.. బీఆర్ఎస్ విద్యార్థి విభాగం నాయకుడు అనిల్

ఎన్నికల సమయంలో సీఎం రేవంత్ రెడ్డి విద్యార్థులను నిరుద్యోగులకు మాయ మాటలు చెప్పి గద్దెనెక్కాక వారి భవిష్యత్‌ను గాలికి వదిలేసారని బీఆర్ఎస్ విద్యార్థి విభాగం నియోజకవర్గ నాయకుడు పోతు అనిల్ కుమార్ అన్నారు. వేములవాడలో మంగళవారం ఆయన విలేకరుల సమావేశంలో మాట్లాడారు.

Vemulawada | వేములవాడ, అక్టోబర్ 27 : ఎన్నికల సమయంలో సీఎం రేవంత్ రెడ్డి విద్యార్థులను నిరుద్యోగులకు మాయ మాటలు చెప్పి గద్దెనెక్కాక వారి భవిష్యత్‌ను గాలికి వదిలేసారని బీఆర్ఎస్ విద్యార్థి విభాగం నియోజకవర్గ నాయకుడు పోతు అనిల్ కుమార్ అన్నారు. వేములవాడలో మంగళవారం ఆయన విలేకరుల సమావేశంలో మాట్లాడారు. విద్యార్థులకు పెండింగ్ లో ఉన్న రూ.10వేల 200 కోట్ల ఫీజు రియంబర్స్మెంట్ బకాయిలు వెంటనే విడుదల చేయాలని అన్నారు. నిరుద్యోగ యువతీ యువకులకు జాబ్ క్యాలెండర్‌ను కూడా వెంటనే ప్రకటించాలని డిమాండ్ చేశారు.

స్థానిక ఎమ్మెల్యే ప్రభుత్వ విప్ ఆది శ్రీనివాస్ ప్రభుత్వంపై ఒత్తిడి తెచ్చి వెంటనే ఫీజు రియంబర్స్మెంట్, జాబ్ క్యాలెండర్‌ను విడుదల చేయించాలని డిమాండ్ చేశారు. విద్యార్థుల నిరుద్యోగ యువతీ యువకులకు ఇస్తామన్న హామీలు నెరవేర్చకుండా మోసానికి పాల్పడినందున పెద్ద ఎత్తున నియోజకవర్గ ఇన్చార్జి చల్మెడ లక్ష్మీనరసింహారావు ఆధ్వర్యంలో విద్యార్థులు యువకులతో కలిసి నిరసన వ్యక్తం చేస్తామని హెచ్చరించారు. ఆయన వెంట ఎండీ ఫర్వేజ్, రాకేష్ తదితరులు పాల్గొన్నారు.