Visit:
James Tooley | లండన్‌ : హైదరాబాద్‌కు చెందిన యువతితో వివాహేతర సంబంధం పెట్టుకున్నారన్న ఆరోపణలపై బ్రిటన్‌లోని బకింగ్‌హామ్‌ యూనివర్సిటీ వైస్‌ చాన్సలర్‌ జేమ్స్‌ టూలీ సస్పెన్షన్‌కు గురయ్యారు. ఆ యువతి యూనివర్సిటీ ఫీజులను కూడా టూలీ చెల్లించినట్లు ఆరోపణలు వచ్చాయి. 65 సంవత్సరాల టూలీతో తనకు లైంగిక సంబంధం ఉన్నట్లు ఆ యువతి తన డైరీలో రాసుకోగా టూలీ భార్య ఆ యువతికి చెందిన డైరీల కాపీలను యూనివర్సిటీకి అందచేశారు.
టూలీ సస్పెన్షన్‌ను అక్టోబర్‌లో యూనివర్సిటీ ప్రకటించగా ఇప్పుడు అది వెలుగు చూసింది. మొదటిసారి టూలీని కలసినపుడు తనకు 18 ఏళ్లని, తనకు 21 ఏళ్ల వయసున్నపుడు ఆయనతో లైంగిక సంబంధం ఏర్పడిందని ఆ యువతి తన డైరీలో రాసుకున్నారు. ఇది జరిగిన కాలంలో టూలీ 50వ దశకంలో ఉన్నారని డైలీ మెయిల్‌ పత్రిక తెలిపింది.తనపై వచ్చిన ఆరోపణలు నిరాధారమైనవిగా తన న్యాయవాది ద్వారా ఇచ్చిన ప్రకటనలో టూలీ స్పష్టం చేశారు. కాగా, 2022లో ఇద్దరు పిల్లల తల్లి అయిన నైజీరియాకు చెందిన సింథియా అనే మహిళతో టూలీకి వివాహమైంది.
