Israel-Hamas War | యుద్ధం విషయంలో వైఖరి మార్చిన చైనా.. ఇజ్రాయెల్‌కు ఆ హక్కు ఉందంటూ అంగీకరించిన డ్రాగన్‌

Israel-Hamas War | ఇజ్రాయెల్‌పై హమాస్ నరమేధాన్ని (Israel-Hamas War) ఖండించకపోవడంతో విమర్శలను ఎదుర్కొన్న డ్రాగన్ (China)‌.. ఈ యుద్ధం విషయంలో తాజాగా తన వైఖరిని మార్చింది. తమ దేశాన్ని రక్షించుకునే హక్కు ఇజ్రాయెల్‌కు ఉందని అంగీకరించింది ( Israel Has Right To Self Defence).

Israel-Hamas War | ఇజ్రాయెల్‌పై హమాస్ నరమేధాన్ని (Israel-Hamas War) ఖండించకపోవడంతో విమర్శలను ఎదుర్కొన్న డ్రాగన్ (China)‌.. ఈ యుద్ధం విషయంలో తాజాగా తన వైఖరిని మార్చింది. తమ దేశాన్ని రక్షించుకునే హక్కు ఇజ్రాయెల్‌కు ఉందని అంగీకరించింది ( Israel Has Right To Self Defence). ‘ప్రతి దేశానికీ ఆత్మరక్షణ హక్కు ఉంటుంది. కానీ, అంతర్జాతీయ మానవతా చట్టాలకు కట్టుబడి పౌరులకు రక్షణ కల్పించే విధంగా చర్యలు ఉండాలి’ అని చైనా విదేశాంగ మంత్రి వాంగ్‌ యీ (Wang Yi) వ్యాఖ్యానించారు. యుద్ధం ప్రారంభమైన తర్వాత తొలిసారి ఇజ్రాయెల్‌ విదేశాంగ మంత్రితో ఆయన ఫోన్‌లో మాట్లాడుతూ ఈ వ్యాఖ్యలు చేశారు. ఇజ్రాయెల్‌కు అనుకూలంగా చైనా మాట్లాడటం ఇదే తొలిసారి. అయితే, అమెరికా ఉన్నత స్థాయి పర్యటనకు సిద్ధమవుతున్న వేళ ఆయన ఈ ప్రకటన చేయడం గమనార్హం.

యుద్ధం విషయంలో గత వారం చైనా అధ్యక్షుడు జిన్‌ పింగ్‌ (Xi Jinping) స్పందించిన విషయం తెలిసిందే. ఇజ్రాయెల్‌ – హమాస్‌ కాల్పుల విరమణకు పిలుపునిచ్చారు. అదే సమయంలో ఈజిస్ట్‌ సహా ఇతర అరబ్‌ దేశాలతో కలిసి వీలైనంత త్వరగా పాలస్తీనా సమస్యకు సమగ్రమైన, న్యాయమైన, శాశ్వత పరిష్కారం కోసం సమన్వయం చేస్తామని వ్యాఖ్యానించారు. అయితే, హమాస్‌ దాడిని ఖండించడం, ఇజ్రాయెల్‌కు మద్దతుగా నిలవడం వంటి ప్రకటన ఎక్కడా చేయలేదు. ఈ విషయంలో మొదటి నుంచి అస్పష్ట వైఖరిని అవలంభించిన చైనా.. ఇప్పుడు మాత్రం ఇజ్రాయెల్‌కు అనుకూలంగా మాట్లాడటం గమనార్హం.

Also Read..

ODI World Cup | పాక్‌ను చిత్తు చేసిన ఆఫ్ఘన్‌.. మైదానంలో చిందులేసిన భారత మాజీ క్రికెటర్‌ ఇర్ఫాన్‌ పఠాన్‌.. VIDEO

Worlds Oldest Dog | ప్రపంచంలోనే అత్యంత వృద్ధ శునకం మృతి

Alaska Airlines | విమానం గాల్లో ఉండగా.. ఇంజిన్లు ఆఫ్‌ చేసేందుకు యత్నించిన పైలట్‌