Alaska Airlines | విమానం గాల్లో ఉండగా.. ఇంజిన్లు ఆఫ్‌ చేసేందుకు యత్నించిన పైలట్‌

Alaska Airlines | డ్యూటీ నుంచి దిగిపోయి అదే విమానంలో ప్రయాణించిన ఓ పైలట్‌ చేసిన పనికి ప్రయాణికులు, విమాన సిబ్బంది గుండె ఆగినంత పనైపోయింది. విమానం గాల్లో ఉండగానే ఇంజిన్లను ఆఫ్‌ చేసేందుకు ప్రయత్నించి (tries to shut down engines) సదరు ఆఫ్‌-డ్యూటీ పైలట్‌ (Off duty pilot) కటకటాలపాలయ్యాడు.

Alaska Airlines | డ్యూటీ నుంచి దిగిపోయి అదే విమానంలో ప్రయాణించిన ఓ పైలట్‌ చేసిన పనికి ప్రయాణికులు, విమాన సిబ్బంది గుండె ఆగినంత పనైపోయింది. విమానం గాల్లో ఉండగానే ఇంజిన్లను ఆఫ్‌ చేసేందుకు ప్రయత్నించి (tries to shut down engines) సదరు ఆఫ్‌-డ్యూటీ పైలట్‌ (Off duty pilot) కటకటాలపాలయ్యాడు. ఈ ఘటన అమెరికాలో ఆదివారం చోటు చేసుకుంది.

80 మంది ప్రయాణికులు, సిబ్బందితో వెళ్తున్న అలస్కా ఎయిర్‌లైన్స్‌ (Alaska Airlines)కు చెందిన విమానం ఆదివారం వాషింగ్టన్‌ డీసీ నుంచి శాన్‌ ఫ్రాన్సిస్కో ( San Francisco) కు బయలుదేరింది. అదే విమానంలో డ్యూటీ నుంచి దిగిపోయిన ఓ పైలట్‌ కాక్‌పిట్‌ వద్ద ఉండే జంప్‌ సీట్‌లో కూర్చున్నాడు. విమానం గాల్లో దూసుకెళ్తున్న సమయంలో ఒక్కసారిగా ఇంజిన్లను ఆఫ్‌ చేసేందుకు ప్రయత్నించాడు. దీంతో అప్రమత్తమైన పైలట్‌ అతడిని అడ్డుకోవడంతో పెను ప్రమాదం తప్పింది. ఈ విషయాన్ని పైలట్‌ వెంటనే పై అధికారులకు సమాచారం అందించాడు. అనంతరం విమానాన్ని ఒరెగాన్‌లోని పోర్ట్‌లాండ్‌ ఎయిర్‌పోర్ట్‌లో అత్యవసరంగా ల్యాండింగ్‌ చేశారు. అప్పటికే అక్కడికి చేరుకున్న పోలీసులు ఘటనకు పాల్పడిన ఆఫ్‌-డ్యూటీ పైలట్‌ను అదుపులోకి తీసుకున్నారు. అతడిపై హత్యాయత్నం సహా పలు సెక్షన్ల కింద కేసులు నమోదు చేశారు.

Also Read..

Worlds Oldest Dog | ప్రపంచంలోనే అత్యంత వృద్ధ శునకం మృతి

Hamas | మ‌రో ఇద్ద‌రు బందీల‌ను విడుద‌ల చేసిన హ‌మాస్

Mexico | పోలీసు కాన్వాయ్‌పై బుల్లెట్ల వ‌ర్షం.. 13 మంది మృతి